اخي الغير شقيق معذبي

قصة حقيقة #منقوله

اخي الغير شقيق معذبي 🦋💫 تابعو 👇

جيت نحكيلكم حكايتي أنا طفلة وحدة بين ربعة خاوة زوج خاوتي تع الصح من بابا و ماما و زوج ولاد مرت بابا يما ماتت و هيا تولد فيا و بعدها بفترة تزوج أبي باه يلمنا و جاب مرا عندها زوج ولاد من زوجها الأول نا كنت نكرهم كامل لانو خفت يدو بلاصتنا انا و خاوتي و كنت نبين كرهي ليهم بكل طرق ملغري على العكس كانو يتعاملو معانا بالمليح كانو أكبر منا و مبعد بابا قسمنا راح بنا زوج بيوت لولاد مرت بابا لأنو مهما يكونو ماهومش خاوتي تع الصح و انا محرمة عليهم و كذا كانو يجيو ياكلو معانا بصح يرقدو في دار تعهم بصح نا كنت نكرهم سيرتو ولد مرت بابا الكبير كان قريب من بابا و بابا يحبو و يعتمد عليه في كلشي كنت نخمم كيفاش نتلفو و نديرو مشكل باه يكرهو بابا أيا صحبتي لانتيم و جارتي دبرت عليا قاتلي روحي ديري فيلم و قولي راو يتحرش بيك و روحي عند باباك و أبكي و قطعي حوايجك و كذا كنت صغيرة تع 17 سنة و كان كره عاميلي عينيا درت الهدة هاذي و صرا مشكل كبير بصح ليا لانو بابا سمعني نحكي مع صحبتي و عرف واش راح ندير و عطاني طريحة تع كلاب و زادت بيننا المسافة لدرجة أنو ولا كي يشوفني ميقعدش في بلاصة نفسها نا زاد كرهي لهذا ولد مرت بابا كرهتوا وليت نهار كامل و نا نجرب نأذيه بالهدرة نقولو سرقتلي بابا و نقولو بلي حنا لي درنا فيه مزيا هو و خوه و يماه و سكناهم عندنا و هو يتحمل و يسكت حتى مرة خرج من دار تقابضت معاه و عايرتو قتلو بلي نتا انسان فاشل و كون جيت تصلح نتا ويماك و خوك باباك ما يخليكم كنت بزااف شريرة و كانت غيرة عاميتلي عينيا و كره و الغضب و كلشي المهم بعدها مبانش سمانة كاملة و بابا يحوس عليه هو كثر مني بخمس سنين وقتها كان تع 22 سنة يماه إنهارت و ولات تبكي غاضتني هيا برك بصح هو كنت نتمنا ما يوليش بعدها لقاه بابا عند واحد صاحبو ردو للدار بصح كي ولا ولا إنسان آخر ولا يخوف ولات خزرة تاعو قاسحة بززاف ولا منين يشوفني يخزرلي خزرة تع كره و إشمئزاز و مبعد ولا قليل وين يجي للدار ديما في بيتو لي بنهالهم بابا و يماه تديلو ماكلة لتم وليت نشوف غير كي يخرج برك صباح بكري يخدم و فليل كي يرجع و دار من نهار ضربة هاذيك شغل حرمها على روحو و حلف مايزيد يدخللها مع لوقت انا وليت نهار كامل نعس فيه و ماكنتش فايقة بروحي بلي أدمنت أنو نراقبو وليت نهار كاملة واقفة في الطاقة نخزر فيه

المهم تبدل مئة بالمئة ولا إنسان آخر ولا طويل و زاد سمار من الخدمة ولات ملامحو رجولية بززاف وليت كي نشوفو نحس بفرشات يلعبو داخل كرشي و قلبي يخبط و هو من تم مازادش دخل دار 6 سنين مزدتش تلاقيتو أفاص افاص غير من بعيد نراقب فيه حتى وحد النهار جات صحبتي هاذي لانتيم روان قعدنا نحكيو و كذا على قرايا و لبسة وو حتى قاتلي خوك أرسلان يا زحي ولا زل يڨعر جدك دار وحد لاطاي تخلع يا جدك بلاك طحت فيه خزرتلها ببرود و قتلها علاش تحكيلي على زمر و نوضت من بلاصتي نطل من طاقة حتى نلقاه جاي داخل للدار تعهم و نا هكاك نخزر حتى نلقاه هز راسو للطاقة تاعي فجعت وليت رديت ريدو و انا نرعش من الخلعة و الصدمة بسيف باه قدرت نشد روحي و نقعد بلاصتي ليكيديت صحبتي روان و قتلها نا راح ندوش مالا هيا راحت و نا قعدت في بلاصتي نرعش من الخوف و الخلعة و قلبي راح يخرج من بلاصتو رحت بشوية نحل ريدو لقيتو مكانش تنهدت براحة مبعد قعدت نخمم علاش راو يصرالي هكا منين نشوفو نا على أساس نكرهو و نحقد عليه لأنو زاد الفجوة بيني و بين بابا و مبعد تفكرت بلي أنا تبليتو هو كان خاطيه بعدها حاولت نحسن علاقتي مع بابا و مع مرت بابا و ولدها فتحي لي كان يجي مين داك ماشي كيما أرسلان جامي دخل للدار بعد هاذيك الضربة مهم وليت نتفاهم معاهم و حسيت بلي أنا غالطة في حقهم من لول هوما ما غلطوش فيا و زيد صغر كنت متأكدة بلي أنا الغالطة مية بالمية ، بقيت هكاك نجرب أنو نرد الاوضاع الى سابق عهدها و خاوتي لي كثر مني زوج تع الصح كنت نحاول انو نخليهم ما يحسوش بالحقد كيفي و ما يخموش كيفي كنت ديما نعطيهم الجوانب الملاح في مرت بابا وولادها أرسلان و فتحي و صح كانو يحبو أرسلان بززاف و ديما عندو في دار تاعو و تع خوه كنت نغير بصح حاولت ديما أنو ما نرجعش لنهلة القديمة لي كنتها

تكملة 3 :

حتى وحد النهار دخلتلي في راسي أنو نحاول نطلب السماح من أرسلان و نردو مرة أخرى و نكونو كامل عايلة كبيرة مع بعض و مبعد وليت نحاول انو نختلق الاعذار باه نجيبو عندنا بأي طريقة مثلا كي تفسدلنا العين و لا حوايج كيما هكا نقول لبابا أرسلان يعرف لصوالح هاذو جيبو يخدمهولنا يقولي موحال يدخل و يخزرلي بتأنيب نولي نسكت مرة زوج ثلاث مبعد ديسيديت نروح نجيبو أنا درت شوية مكياج بلاما نكثر ماعرفتش علاش درت هكاك بصح درتها و لبست حجابي تع صلاة و روحت كلما نقرب من دراهم قلبي يولي يحب يخرج خايفة و متوترة و مترددة و كاين إحساس آخر يطغى عليا طبطبت على باب زوج مرات ما خرجلي حتى واحد بقيت نطبطب بقوة من توتر حتى نلقا صوت خشين يقولي شكون بغش وليت نرعد من الخوف جيت راجعة على ورايا بصح كان سيبون تحل الباب و خرج قدامي خزرلي بدهشة و تقلب وجهو و كحال و لم حواجبو باين بلي ماعجبوش الحال أنا بلعت ريقي كان وقيلا مدوش شعرو مبلول و شفارو طوال لاصقين من لما و وجهو يقطر ساكت كيما الحيط حسيت بنفس ضاقت فيا عييت نخرج حرف وليت نتعڨن بعد 6 سنين راني نخزر في وجهو لأول مرة لي ولا فري فري شباب عينيه قصة أخرى شواربو شعرو سمورتو طولو رجولتو ريحتو ريحة تع بارفا خبطتني في خشمتني ولات كرشي تسطر وليت نرعش بلعت ريقي ألف مرة باه نقدر نتنفس

_واش جابك هنا نتي قالها ببرودة قلبي حاب يخرج من بلاصتو خفت بززاف و توترت قتلو جيت نحكي معاك جيت نطلب سماح لأنو

ناض يضحك في وجهي خلاني نتصدم مبعد قالي غير روحي انا مانسامحش مبعد باقي يخزر معايا و قالي علبالك بلي بسبتك بابا مات في هذاك اليوم لي عايرتني فيه روحت عند بابا و عرشتلو و قتلو علاش خليتنا بقيت نعيط و نسب حتى طلعتلو لاطونسيون و بعدها زاد نهار و مات نا قتلت بابا و نتي سبة جمدت في بلاصتي حسيت بالأرض زلزلت بيا بقيت نخزر فيه و هو يخزرلي بكره مبعد خبط الباب في وجهي و دخل بقيت نخزر في الباب و رجعت لدار نجري دخلت بيتي و شبعت بكا بكيت حتى رقدت و نا نخمم بلي هذاك نهار لي جا فيه إنسان آخر كان باباه مات

التكملة 4 :

مبعد وليت كل مرة ندير سبة و نروح نطبطب نلقاه ساعة فتحي لي يحكي معايا عادي و كي يفتحلي هو يعاود يغلق الباب في وجهي مرة ديتلو ماكلة بزعها قدامي في لابوبال و غلقلي الباب في وجهي كل مرة هكا حتى وحد النهار فتحلي الباب و قالي نتي رخيسة شحال من مرة نغلق الباب في وجهك و تزيدي تولي ما تفهميش منيش راح نسامحك و منيش راح نولي لدارك. و هاذي دار داري لانو راني نسلك في باباك كرى تاعها ما تسالولي والو روحي خطيني رحمة على والديك منيش حاب نغلط فيك احتراما لعمي سينو نتي ماعندك حتى إحترام بالنسبة ليا بلعت كلامو كي الجمر و رجعت لبيت شبعت بكا كل مرة هكا حتى وحد المرة شافتني روان كي غلق الباب في وجهي و رجعت للدار و نا نبكي حكمتني و قاتلي واش بيك واش دارلك !!؟ حكيتلها كلشي ولات قاتلي علاش ترخسي روحك ليه يروح يزمر واش يكون هو نتي غلطتي صح بصح طلبتي السماح منو شحال مرة مش راح ترجعيلو باباه باباه كان مكتبلو يموت هكاك قاتلي ماتزيديش تروحي عندو خلاص هذا رخس نهلة وليت نرعش جزء مني صح ماش عاجبو الحال و شايفو رخس بصح كان هذا هو سبيل الوحيد باه نشوفو حتى لو في كل مرة يحكيلي على مدى كره تاعو ليا بصح هذا الشئ كان هو سبيل وحيد باه نشوفو تم عرفت بلي ني طايحة فيه و بلي عشقتو و منيش عارفة كيفاش و متى حبيتو عرفت اني كي نشوفو نحس بفرشات يلعبو في كرشي وقلبي يتزير و يوجعني و نحس بروحي تحب تخرج من بلاصتها هزيتلها راسي بإيه و نا نخمم واش سبة لي نزيد نديرها باه نزيد نشوفو

التكملة 5 :

بقيت هكاك على هذا منوال و هو يرفض فيا و يبينلي شحال يكرهني و يكره يشوفني كل مرة كل مرة حتى وحد النهار جاني الخبر الصاعقة لي دمرلي قلبي و حطمني لآلاف القطع خبر خطبتو سمعت من خويا تيم لي كبر مني بثلاث سنين قالي بلي أرسلان راح يخطب و قال لبابا باه يروح معاه كمسؤول عليه و راحو خطبولو و أنا في الدار نبكي نبكي و نبكي قلبي حاب يخرج وليت نزعق من وجع و حسيت روحي خرجت مني بكيت بزااف و بسيف باه قدرت نوض غدوة مين داك نطلع لفاك نقرا كنت في حالة يرثى لها و في كل مرة يسقسيني بابا على واش كاين نقولو بلي امتحانات و لي كونترول و هو يصدقني حتى وحد المرة شعلتلي الجمرة في قلبي و ديسيديت نروح عندو و نقولو بلي نحبو كنت في حالة نفسية صعيبة و كارثية مقدرتش نتحكم في روحي و روحت ليه طبطبت بززاف بسيف باه حلي الباب كنت منهارة ديماريت نبكي و نشهق و هو يخزرلي بكره جا راح يغلق الباب شديتو و بقيت نحلل فيه و نقولو ما تتزوجش و قلبي راح يخرج من بلاصتو قتلو نحبك و سمحلي و بزااف صوالح بصح هو خزرلي و قالي ببرودة واش كنتي تستناي زعما نفسخ خطبتي و نرجعلك و لا نحبك ولا واشنو مالقيت واش نقول لانو ما خممتش واش راح يدير هو خممت برك بلي لازم نحكي معاه و نقولو شحال حبيتو و نحبو و نحللو يسامحني مبعد خزرلي و قالي بغش لي درتيه كامل فيا قاعد يرجعلك و قاعدة تتأذاي كيما أذيتيني في صغري دنيا دوارة علبالك بصح نقول عفسة انا راح نتزوج و زكارة فيك غير باه نحرقلك قلبك و غلق الباب في وجهي تم طحت تغاشيت لانو عندي شحال ما كليتش مليح من نهار سمعت بخبر خطبتو فطنت بروحي غير و انا في بيتي و مغطية نوضت و راسي راح يتفلق و هبطت لتحت لقيت بابا يخزرلي بخلعة جا عندي و حضني حسيتو يبكي على كتفي حسيت بحاجة دافية في كتفي و كانت دموعو صح قتلو بابا وش كاين قالي انا مكانتش اب مليح و فرطت في بنتي وحيدة و عاملتك معاملة ماشي مليحة صح غلطتي بصح كنتي صغيرة كان لازم نعلمك ماشي نزعف منك نهار شفت ليوم متغاشية ووجهك أصفر و ليسارن دايرين بعينيك تفكرت يماك و نهار ماتت و هيا تولد فيك كانت راقدة نفس رقدتك حسيت بلي خسرتك و بقا يحضن فيا و مرت بابا تخزر فيا و دموع في عينيها مبعد قتلو بصح شكون لي جابني هنا متفكرة غير كلام أرسلان الباشع لي وجعلي قلبي قالي بابا أرسلان لقاكي متغاشي عليك قريب من الدار بلاك كي جيتي مروحة تغاشيتي من قلة الماكلة و نهار كامل و نتي لاهية مع هاذو لي كونترول بلعت ريقي و نا نقول في قلبي ماشي لي كونترول كون غير. جاو لي كونترول برك قتلو أرسلان دخل للدار نطقت مرت بابا و قاتلي سبحان لله نتي سبة لي خلاتو مايزيدش يدخل و نتي السبة لي خلاتو يدخل شفت معاها وجهي صفر و هيا خزرت فيا مصدومة شغل قالتها بلا تخمام مبعد قاتلي ماشي قصدي أنو قتلها علبالي بلي أنا سبة و قوليها عادي منيش راح نتهرب من افعالي طلعت لبيت تاعي و روحت للباب بقيت نخزر مع دار تعهم تايهة و قلبي يسطر نخزر مع ساعة لقيتها خمسة تع لعشية هذا هذا هو وقت لي يرجع فيه و نا هكاك حتى نلقاه جاي و معمن حصلي الريق خزرت بصدمة عينيا قريب يخرجو من بلاصتهم هاذي روان !!! بقيت نخزر هاذيك روان روان متأكدة هاذي واش راهي دير مع أرسلان بقيت نخزر معاهم مصدومة عينيا راح يخرجو مبعد شفتو كي وصلو قريب من دار روان بعد هو رجع لور دارلها باي باي و هيا دخلت للدار زاد شوية و جا هو جيهة الدار تعنا شافني من طاقة نخزر فيه تبسملي تبسيمة تع حقد و تع شفتيني

التكملة 6 :

تم بعد هبطت نجري عند مرت بابا قتلها شكون لي خطب أرسلان قاتلي روان صحبتك علاش ما قاتلكش هزيت راسي بلا و قتلها لا ماقاتليش ماقاتليش لبست قشي و روحت عندها دخلت طول جات تسلم عليا قتلها تخطبتي بأرسلان و ما حلبتينيش مومبا

خزرت فيا بدهشة و قاتلي علاش معلبالكش عمبالي علبالك لأنو أرسلان خوك مكانش علبالي بلي معلبالكش بلعت ريقي بصعوبة دارتلي دوخة و تفكرت بلي تالمو كنت مشوكيا ما سقسيت ما حوست شكون لي خطبها أرسلان مام كي جا يقولي خويا قتلو ماتقوليش و ماحبيتش نسمعلو كنت منهارة قعدت فوق كرسي و يديا يرجفو خطب صحبتي لانتيم من دوم بنات كامل علاش

شافت معايا روان و قاتلي واش بيكي نهلة عندك مدة و نتي هكا و منين نجي نسقسي عليك تقوليلي مكان والو و تليكيديني جيت راح نقولها بلي نعشق نعشق أرسلان يا زح ني نحبو كرهي ليه كامل تحول لحب و عشق مبعد سكت قتلها والو كنت زعافة برك انك ماخبرتينيش بصح عندك الحق أنا لي غالطة كيما ديما و جيت مروحة قاتلي أصبري نحكيو شوية و باينة عليها فرحة حصل لساني في حلقي و دموع لعبو في عينيا بسيف باه قلت وي نحكيو حبيبتي بصح خطرة خلاف غدوة عندي كونترول لازم نروح نريفيزي شوية هزتلي راسها بإيه و قاتلي بون كوراج ضحكتلها و خرجت كي خرجت تفلڨت بالبكا بسيف باه شديت روحي و روحت لدار لقيتو يغلق في باب دارهم و خارج درت روحي ما شفتوش و كملت طريقي نخف في رجليا حتى لقيت روحي تهزيت من يديا و عينين كي الليزر يخزرو فيا قالي أرواحي دقيقة نحكي معاك و جبدني معاه منين جنان تعنا لي بين دارنا و دارو

_واش درتي زدتي فسدتي عليا مع روان مرة هاذي صح راح نقتلك

بقيت نرعش ساكتة شواربي شايحين و حلقي يسطر تالمو بكيت بزااف ليام هاذو قاعدة نشوف غير فيه زوج و يلعب هنا و لهيه و هو يهز فيا هكاك و يقولي واش قلتيلها ما فقتش برجليا غير هودو لتحت و نا شادة فيه من كتفو بسيف باه نتنفس حاسة بقلبي راح يحبس من وجع مافطنتش غير بصوتو جاي مفجوع و هو يضربلي في خدودي بيدو بشوية مبعد راح و نا نشوف في ضباب بين عينيا وولا ولا يرش فيا بالماء و يديرلي في ريحة تم قدرت نحل عينيا خزرت في وجهو و هو مفجوع هكاك و تمنيت يبقا هكا مفجوع عليا مبعد فطنت بشوية بديت نرجع للواقع هزيت راسي و جيت نايضة رايحة نلقاه قالي أصبري درك نديك دزيتلو يدو و قتلو زوج مرات تجيبني متغاشية مكانش لي مش راح يتوسوس خزر فيا ببرود و قالي ما يهمنيش منيش ندير في حاجة خايبة قتلو انا يهمني منيش حابة يفسد واش بنيتو مدة هاذي كامل علبالي شحال بابا يعز عليك منيش حابة نكون سبة مرة أخرى خزرلي ساكت مبعد نوضت بسيف و روحت لدار و نا رجليا مش يرفدو فيا طلعت للبيت تاعي طول و غلقت الباب حطيت راسي و رقدت

التكملة 7 :

فات شهر كنت نروح نقرا و نرجع نغلق لباب عل روحي و نرقد كنت سبون ديسيديت ننساه حبي ليه قاعد يدمر فيا أنا درت كلشي قدرت انو نديرلو طلبت سماح و حاولت شحال من مرة قتلو بلي نحبو و كلشي بصح درك الحب ماشي بسيف و انا منيش راح نزيد نفقد كرامتي كثر من هكا سيبون ديسيديت أنو هاذي مرة راح ننساه صح بدلت بيت تاعي مع تع خاوتي لي يرقدو فيها باه منزيدش نحل الطاقة و يقابلي و نشوفو و بديت نخمم كيفاش ندير بعد ما لقيت روحي بلي لازم ندخل راطرباح بعد ما خرجتش كامل لي موديل و بديت نقرا جبدت قلبي في هاذوك ليام كان عندي شهر و نص ماشفتوش و ما تلاقيتش بيه حتى طريق بدلتها باه ما نتلقاهش صدفة حسيت أنو سيبون بديت نتغلب على أحاسيسي حتى هاذي مرة تلاقيتو صدفة كان خارج من دار و نا داخلة خزر فيا. و دار روحو ما شافنيش وليت نا درت كيفو و درت روحي ما شافتوش و تالمو تلفتلي كي شفتو تفرفشت و طاحلي مفتاح هزيتو من لرض و كي جيت باه نرفدو سمعتو. قال بسخرية _شغل راح تنسايني كي بدلتي البيت ولا كي راكي وليتي تجي من طريق أخرى راح ماتشوفينيش راح تنسيني خزرتلو بصدمة و عيون حومر شادة دموع دخلت لدار و طلعت للبيت بقيت نتنفس بالقوة و الجهد. بسيف باه ركحت روحي بسيف باه ما نبكيش تم بديت نفقد الوعي تاعي تدريجيا روحت قعدت في بلاصتي و قلبي يخبط و الفشلة بدات ديرلي و نا هكاك دخل عليا بابا خزر فيا مصدوم و جا يجري قالي واش بيك قتلو منيش قادرة نتنفس قلبي يحرق هزني و داني لسبيطار بعدها عرفت بلي عندي ربو و هاذو نوبات ربو حادة نحس بالخنقة و ديرلي فشلا قالو طبيب راهي كاينة حاجة قاعدة تستفز فيها نفسيا تخلي نوبات الروبو تجي هكا قالو كاش نهار راح تختنق مدلي دوا و مدلي هاذيك لابراي باه نتنفس بيها و رجعت للدار جرب بابا يفهم واش مقلقني وليت نمدلو في اسباب لي جات و هو يقولي لازم تتهلاي في روحك أكثر و حالتو تفجع كان مفجوع أكثر مني يخزر فيا بصدمة و يقولي بلي ماما تاني كان عندها ربو و كان سبة في موتها نهار جات تولدني بقيت نهدي فيه و هو يفجع أكثر بسيف باه قدرت نهديه ووعدتو انو راح نتوله من روحي أكثر اكثر حاجة قهرني بيها كي قالي أمانتك يا رحيمة فرطت فيها و دموع في عينيه تم ماشديتش روحي و طرشقت بالبكا بكيت وحدي و تم وعدت بلي أرسلان راح ننساه و راح نكرهو راح نرجعو غريب و راح منزيدش نشوف معاه

التكملة 8 :

بديت نكمل في واش بديت فيه وليت نحرص انو منتلقاهش و فرحتي كي كنت نشوف في بابا فرحان انو قاعدة نتحسن كانت لي مصبرتني كان عرسو يقرب و كان لاهي يبني في دار تاعو و زاد دار بيوت اخرين و كوزينة و صالون ووو باه يدخل فيهم روان و من جهة أخرى فتحي جا يسكن معانا كنت نجرب روحي نضحك بسيف و في كل مرة كنت نقول بلي أنا قوية و الحب موحال يخليني نولي ذليلة و نبكي بلا سبة انا درت كلشي قدرت عليه و هذا هو مكتوب بقيت هكاك متحكمة في روحي

المهم خلصت من قرايا و جيت مروحة و نا نمشي كان واحد يدورونجي فيا بطونوبيل تاعو و نا تقلقت بززاف و بقا يتبع فيا حتى وصلت للحومة تعنا وليت نزرب خايفة سيرتو كي خرج من طونوبيل تاعو و باقي يلحق فيا و يجرب يشدني من يدي و نا هكاك راح نبكي من خلعة طلعت راسي لقيت أرسلان طالع هو تاني مروح كان بعيد عليا وليت نزعق أرسلان و خايفة دنيا كانت خالية لقيتو دار عندي و نا راح نطرطق من البكا شاف ورايا هذاك راجل هبط يجري و بلا فهامة فاتني و يطيح فيه بالضرب خرج بابا و جيران و نا باقية يابسة مفجوعة و نا هكاك نلقا روحي مش قادر نتنفس جا بابا عندي و هو يشوف فيا نشهق مش قادرة نتنفس قلبي يحرق عيط أرسلان حبس نهلة راح تموت راح ضيع من يديا أرواح و غمضت عينيا على هذا كلام كي حليت عينيا كان صدري يحرق فيا و بابا دايرلي لابراي باه نتنفس بيها كي حليت عينيا لقيتو هو تاني واقف عند راسي بقيت نخزر فيه و فرحت انو قدرت نجيبو للدار بدل عينيه و خزر في بابا و قالو انا نروح عمي عندي خدمة قالو بابا نسحقك أرسلان نحكي معاك و جبدو و خرجو بقات مرت بابا تخزر لي و هيا حزينة بستلها يدها و قتلها ماما امينة سمحيلي و متخافيش عليا هزرت راسها و عينينا بدموع و مبعد حكينا شوية و خرجت بقيت وحدي رقدت جابتني الفطنة على وحدة تع ليل و إحساس يقولي روحو شوفيه دركا احساس يقولي روحي شوفيه روحي شوفيه بلا تخمام رحت لبست جلابتي و درت خيمار كي جيت خارجة لقيت فتحي راقد في صالون تنهدت براحة و خرجت على روس صوابعي و رحت حليت الباب و روحت نمشي بشوية ورا في جاردان تعنا كي وصلت للباب بقيت نفاقد في دنيا كشمن يشوفني بصح كانت دنيا خالية أصلا حومتنا خالية و مافيهاش الغاشي كامل ديار هنا تع ملاك يعني مكانش لي يكري هنا طبطبت بلاك خمس مرات باه سمعت صوتو و هو يقول شكون مدهوش مبعد حل الباب لقاني انا وجهو كحال و عينيه حمارو و نحلو جبدني من يدي و غلقت الباب

_واش بيك هبلتي جاية دركا اي الوحدة كون شافك كاش واحد جاية عندي واش يقول ماكيش خايفة على سمعة تع باباك نتي مريضة

حكمني الضحك بسيف باه شديت روحي قتلو و نا نخزر فيه و في عينيه بحب _ جايا عند خويا واش راح يقولو يعني

خزرلي ساكت مصدوم مالقا واش يقول كان لابس شورط قصير بزااف هبطو عينيا لتم حمرت و بلعت ريقي باه فاق قالي شوفي درك نروح نجي نلقاكي روحتي للدار و راح دخل لداخل لبس سروال تع سيرفات كي رجع زعق فيا و قالي ياك قتلك روحي

هبطت عينيا للرض و مبعد قتلو _ علاش دخلت للدار بعد ما كنت حالف ما تزيد تدخل و علاش تضاربت مع هذاك الراجل جاوبني جيت باه تجاوبني

شاف معايا شوفة قاسحة و ضغط على فكو _ واش تقصدي بتخيلاات تاعك زعما انو نحبك ولا واشنو

هزيت راسي بمعلباليش و مبعد قالي ضاربت معاه لأنو خلط في عرضي من نهار تزوجت يما باباك وليتي عرضي حاجة ثانية دخلت للدار لانو عمي طلب مني ندخل و مكانش لي يرفدك و نتي هكاك راح تجيفي في دقيقة هاذيك غيري انا سينو مكونتش راح ندخل درك تقدري تروحي و شوفي تزيدي تقودي و ديري عفايس هاذو نقطعلك رجليك خطرة جاية نقول لباباك واش ديري و فتحلي الباب

التكملة 9:

هزيت راسي بإيه و دموع بداو يتسرسبو من عينيا خرجت و مشيت دورت لقيتو مزالو واقف قدام باب يخزرلي بكره ملغري كانت ظلمة بصح قدرت نشوف كره تاعو ليا شغل طاقة تجي منو ليا كي وصلت لباب الدار خبط الباب تاعو تم دخلت انا و بشوية فتحت الباب و طلعت لبيتي و قعدت نبكي لين رقدت رجعت لنقطة الصفر معاه

فاتت سمانتين بعدها كنت نخزرلو من بعيد بصح كان قلبي جامد حاسة انو لا أمل لينا مع بعض و انو سيبون كلشي باين وعلاش نحرق في قلبي بعدها سمعت بابا يعيط و يقول لمرت بابا تعرفي شكون خطبني فيها هذاك لي ضارب معاه أرسلان قاتلو مرت بابا منك بصح واش رأيك حسيت بإحساس غريب دخلت في نص الهدرة و قتلو بابا انا موافقة نتزوج بيه

خزرلي بابا بصدمة و قالي بفش تعرفيه مالا قتلو وآله ما نعرفو ولله بصح مدامو جا خطبني راحو ولد حلال

شاف معايا بابا و قال بصوت عال _ كيفاش ديسيديتي تتزوجي بواحد غير من راي هذا موحال نمدك هكا لواحد بساهل شفت معاه و قتلو انا حابة نتزوج روان تخطبت حتى نا حابة نتخطب و هذا السيد هو لي راح نديه شاف معايا بابا بحيرة و قالي دخلي للبيت ما نشوفش وجهك بصح نا كنت سيبون ديسيديت موقف تاعي راح نهرب منا موحال نشوفو و هو يتزوج راح نموت عيطلي بابا بعد مدة قالي موافقة قتلو ايه قالي راح تتحملي نتيجة افعالك هاذي مرة نهلة فهمتي هزيتلو براسي قالي سمانة جاية يجو وجدي روحك حسيت بصفعة خبطتني ديجا بعد هزيتلو راسي بايه علبالي بلي راهو يحط فيا في الامر الواقع بلعت ريقي و قعدت نخمم بعدها فاتت سمانة ليه ليه جا خطبني هذا السيد كان شباب بصح ماشي كيف أرسلان كان طويل بصح ماشي كيما أرسلان كانو عينيه شابين بصح ماشي كيما أرسلان كان رجولي بصح ماشي كيما أرسلان بعدها دخل هو دارلي خاتم كانو يديا يرعشو و نا نخزر في باب واش ني نستنا يدخل أرسلان درك و يقولهم حبسو ني نحبها منيتي بلعت ريقي بصعوبة و الحكاية راهي تولي صح واش درت شفت مع بابا لي كان يخزرلي خزرة غامضة و في نفس الوقت يقولي هذا قرارك و فهمتو تم قررت نعفص على قلبي سيبون هكا شوية تحل باب و دخل أرسلان شفت معاه مصدومة لقيت نرعش واش راح يصرا دخل و قعد مقابلني ما فهمتش علاش يخزرلي هكاك مبعد قالو بابا هذا رياض و هو حاب يطلب منك السماح أرسلان مد رياض يدو لأرسلان و هو شدها و حضنو كان وجهو مقابلني كان يخزرلي خزرة تخوف خلاتني نرعش مبعد هكا تفرق السوق و راح رياض مع ماليه و بقيت نا و خاتم تاعي جات روان باركتلي بززاف و قاتلي تخطبنا ورا بعضنا كيما كونا متمنيين نهلة هزيت راسي قريب نبكي قريب نقولها ديتيلي حبيبي بسيف ما شديت روحي بعدها حكينا شوية و راحت هيا تاني هكا شوية نلقا باب تفتح و شكون لي دخل دخل أرسلان غلق الباب و طبق يديه و تكا على الباب

_علاش جيت ياخي حلفت

_علاش تخطبني زكارة و لا هروب ولا تعرفيه و لا

_ما يهمكش انتا خويا ياك نتا خويا لي يكرهني اكدت عليها و خطيب صحبتي لانتيم ماعندي علاش نبررلك

قرب مني و قال بصوت خشين باباك هو لي بعتني نحكي معاك قالي نتا لي تخليها تبدل رايها

التكملة 11 10:

بقيت سمانة نخمم كيفاش نقول لبابا قرار تاعي و قدرت نقولو بسيف قالي كنت نستنا في جوابك ما فهمتش علاش قال هكاك بصح كانت حاجة ثقيلة فوق كتافي و راحت

كي فسخت ريحت من قلبي عيطلي رياض بززاف و حوس يفهم سبة قتلو نحب انسان آخر منقدرش نكون ليك رياض

حوس يعرف شكون بصح ما قتلوش مبعد قالي نتمنالك كل خير و كانت هاذي آخر هدرة هدرتها مع رياض و للأبد

بعدها بشهرين حياتي رجعت بين دار و قرايا لقيت خدمة وليت نخدم أرسلان وليت نتجنبو أكثر ملغري هو حاول أنو يحكي معايا شحال من مرة بصح حسيت كل هاذي الأحداث لي صرات و كل هاذي الأمور قلبت حياتي بززاف و تعبتني كنت حابة نرتاح شوية و نحس بروحي مرتاحة البال عندي بززاف ما حسيتش هكا عندي بززاف ما رقدتش و نا مانخمم في والو

حتى وحد مرة بقيت نمشي و نا نحس بإنسان يمشي ورايا درت لقيتو هو زعقت و قتلو _ منك بصح خلعتني زمر

شاف معايا و رفد حاجبو بغيض و. قالي واشنو زمر !!

بلعت ريقي و حكيت حاجبي و قتلو بضحكة _ لاباس

شاف معايا شوفة مدهوشة و يطرشق بالضحك خزرت فيه اول مرة يضحكلي اول مرة نشوف ضحكتو ديما نشوفو مكشر و غضبان مني جبدني من معصم يدي و قربني منو قالي _ واش رأيك تولي مرتي

شفت معاه بغيض و دزيتو بعيد _ لا منحتاجش

و نا قلبي يرفرف من فرحة شاف معايا شوفة قاسحة و قالي ببرودة _ لي يشوفك تتقلشي درك ما يقول هاذيك الانسانة لي شبعت بكا و نذيب عليا و باقيا رايحا جاية عندي و فوق هذا جاتني في نصاص ليالي جامي شفت طفلة كيفك جامي قال كلمة لخرة بصوت مختلف فيه بحة خلاني نخزر فيه و عينيا لصقو في عينيه و هو تاني يخزر فيا بلاما يبدل وجهو كانت كاينة جاذبية كبيرة بيننا و حاجة قوية تشدنا لبعض

_كتاش راح تجي تخطبني من بابا قلتها بلاما نفيق

سكت شوية و قال _ كنت أصلا خطبتك عندي مدة من نهار فسختي و باباك مزال مردش عليا

شفت معاه مصدومة و قتلو خطبتني هزر راسو و تنهد مبعد دزني دخلت لدار و غلق الباب كي دخلت لقيت بابا يستنا فيا قالي بصوت جاد و عينين جادين_ أرسلان خطبك موافقة تتزوجي بيه و لا لالا

خزرت فيه و فهمت انو فهم كلشي و راو علبالو بكلشي تلمو دموع في عينيا شي من فرحة و شي من حزن شي من الحشمة و شي من الغضب كنت راح ننهار هزيت راسي بإيه و بلعت ريقي

_وجدي روحك شهر هدا تكوني في دارو

هزيت راسي بإيه و طلعت لبيتي كي غلقت الباب وليت نسوطي من فرحة و نا نعيط هزيت تيليفون و عيطتلو طول قتلو بابا قبل انو نتزوجو

سكت شوية و قالي بصوت غامض _ راح تكوني عندي شهر جاي علبالي وجدي روحك

بلعت ريقي و عينيا يبرقو من الفرحة مسحت دموعي و قتلو بتنهيدة طويلة تع حب

الحلقة 1 :

شهرين فاتو على زواجي من أرسلان منيش مصدقة بلي وليت مرتو أخيرا كل هذاك البكا و النذيب و المرض وليت مدامتو حلالو و هو حلالي أخيرا كنت كل دقيقة نروح نرفد عاقد تعنا و نقعد نقرا في أسمينا مكتوبين حذا بعضهم نضحك بالتبهليل منيش مأمنةو أنا نفوت في صبعي على أسمو و نتنهد من قلب قلبي

_مزالك برك في طبيعة هاذي

تنفضت من بلاصتي مفجوعة و حمرة من الحشمة خبيت العاقد تحت المخدة و حطيت يدي على قلبي نحبس خبطاتو و نا نخزر بعشق في شعرو لي طالع من رقاد و عينيه نعسانين و حاجبو لي مطلعو بسخرية يخزر فيا خزرة تع علبالي واش صاري فيك كي تشوفيني خلاتني نحس بخدودي شعلت فيهم النار تنحنحت و نوضت من بلاصتي

_راح نديرلك فطورك مالا مدامك نوضت

_لا ، ما نحبش نفطر ليوم راني مزروب وجديلي حوايجي برك ندخل ندوش ني مزروب و ميرسي

هزيتلو راسي بإيه نحارب هذاك الشعور البائس دخلت لبيتو نحوس على حوايجو مكانش علبالي بلي منظم و نظيف هكا لدرجة أنو منظم عليا كل حاجة في بلاصتها محطوطة جبدتلو حوايجو و قعدت على سرير نشم فيهم ريحتو شحال شابة يا ربييي

_مش راح تحبسي عفايس هاذو راح تخوفيني سيريو 😒

خزرت فيه بشر و قلت _ علاش نخوفك زعما راح نغتاصبك ولا

شاف معايا و جمد وجهو عينيه قساحو و هو يقولي أخرجي خليني نبدل حوايجي بلعت كلامو و نوضت و خرجت جيت نقول حاجة لقيتو غلقلي الباب في وجهي

زفرت بقوة و روحت قعدت فوق كنابي نستذكر واش صرا قبل شهرين في نهار دخلتي و زواجنا بعد شهر كان بابا شورني و عاوني في كلشي درنا عرس بيناتنا غير لافامي لي نصهم كان مصدوم كانو حاسبينو خويا تع الصح معالبلهمش بلي ولد مرت بابا بعدها كلشي جا بزربة كنت فرحانة حسابلي راح نفرح و أخيرا تزوجتو تزوجت حبيبي لي راح نموت عليه و درت كلشي على جالو و أخيرا جمعنا حلال كنت عمبالي بلي سيبون وصلتلو حليت الباب لي كان ديما يغلقو في وجهي بصح...

_ اذا حسابلك راح نكونو كأي زوجين عاديين راكي تحلمي هاذي بيتك و هاذي بيتي ممنوع تتقربي مني و لا تحاولي أنك تلمسيني و لا أنك تطمعي أني نقرب منك و لا نلمسك حنا راح نعيشو مع بعضنا مدة لي راح تلقاي فيها إنسان آخر تحبيه و تتزوجي بيه زواج مجرد زواج على ورقة

_ ني رايح

فطني صوتو البارد وهو واقف عند الباب خزرت فيه و حاولت ما نبينش دموعي دورت وجهي و هو شاف معايا شوية مبعد فتح الباب و خرج و خلاني وحدي الأسئلة ، الوساوس ، الأوجاع ، الصدمة تاكل فيا من داخل

كان حسابلي انو يتمسخر وقت جربت نقرب نفهم منو كانت نظرة الإشمئزاز هيا لي خلاتني نرجع لورا مصدومة للدرجة هاذي يكرهني علاش تزوج بيا مالا علاش اذا حتى عايف انو نقرب منو و نلمسو اذا كان ماش باغيني علاش تزوج بيا أصلا و حطمني هكا صح ما نحبش نبينلو بلي كلامو أثر فيا ماشي غير أثر فيا حطمني، كسرني ، دمرني ، قسمني على زوج تخايلو انو في ليلة عمري رقدت وحدي في بيت باردة و دموع على خذي حاسة بلي أحلامي تكسرت فوق راسي و لي نحبو يفصلنا حيط بصح مكانتش المسافة لي بيناتنا حيط كانت كيما بعد السما على الأرض كان أرسلان بعيد بعيد ياسر

الحلقة 13

تبسمت و انا نفتح في ميساج ضحكت على طول راسي و نا نخزر في كلمات تع ميساج زدت ضحكت بقوة و انا نقرا في ميساج اوخر بعتلو ميساج و لبست صباطي و هزيت ساكي و حوايجي تع الخدمة تنهدت بقوة و عينيا على دارو كلشي تبدل و تخلط في ثلاث شهور و نص

_بستت زين

ضحكت و شفت معاه مع باد بوي و كي العادة كاسكات تاعو ما ينحيهاش

_فتحي صفا

_لاباس نتي شفت مع يدو و هو يمدلي في شوينڨوم شديتو و كليتو

شفت مع دارو مرة أخرى و تنهدت _مزال ما نسيتيهش

هزيت راسي بلا و ضحكت _ما حبيتوش حتى ننساه

_مالا علاش راكي تتنهدي بهاذي طريقة

شفت مع عينيه شابين و ضحكت _ جيست برك غاضتني من صحبتي لانتيم كيفاش مومبا قاتلي بلي تحب أرسلان موحال كنت راح نتخطبلو

_بصح تخطبتيلو و حبيتيه و

شفت معاه بنرفزة و قلت بصوت بارد _ ماحبيتوش فتحي شحال من مرة قلتهالك ماحبيتش خوك و متخافش مش راح نديرلو مشاكل مثلا مهما واش يكون هو تزوج بصحبتي لانتيم لي مومبا خبرتني بلي كانت تعشق فيه

_ فاتت

تنهدت و قلت انا تاني _ وي فاتت سكت شوية و مبعد قلت _ نا نروح فتحي توخرت على الخدمة

_اوكي تهلاي زيونات نحكيو مبعد في فيس

هزيتلو راسي بإيه و جيت رايحا حتى نلقاه شدني من يدي و دورني عندو تخضيت و خزرت فيه حايرة

شاف معايا شوية مع عينيا و مبعد طلقني بتبسيمة _ باي تهلاي في روحك

تبسمتلو و روحت و عقلي يدور في دواير هزيت راسي و كملت مشيت مبعد جاني إحساس غريب يقولي دوري دورت لقيتو مزالو واقف يخزر فيا حسيت بتريسيتي ضربت في كور تاعي درتلو باي باي و كملت نمشي و عقلي غايب

الحلقة 14:

_منار قريب ما عرفتكش يا جدك تبدلتي بزااف

دزتني بيدها و ميلت فمها _ كبرت حاجة باينة نتبدل

حليت فمي و عينيا و نا نخزر في منار بنت خالي لي قل مني بعام و قل من تيمور ب عامين و تيم بربع سنين 22 سنة في عمرها عينيا حوالو منيش مصدقة دخلتها للصالون و قعدتها و قعدت

_مكانتش نستنا منك ما تعرضينيش للعرس بصح جيت باه نباركلك لأنو نتي بنت خالتي ربي يرحمها رغم كلشي

حمرت من حشمة و قلت بصوت خافت _ مش قصدي ما نعرضكش حبيبتي كلشي جا بزربة صح عرس كان في شهر بصح عرضت خالي علاش ما جيتيش معاه

سكتت شوية و مبعد قاتلي _ ياك علبالك بلي علاقتي انا و خالك علاقة كارثية باينة ميقوليش

هزيت راسي و تنهدت _ مزالو يحاسب فيك على غلطة القديمة ياك

تبسمت تبسيمة مكسرة و قالت _ انا نفسي مزالني نحاسب في روحي عليها نهلة

_بصح أنك تلبسي قش ولاد و ما تديريش مكياج و تخلي شعرك هكا هذا الشئ مش راح يردك ذكر منار هذا الشئ مش راح يتغير فهمتي

هزت راسها و قاتلي _ منيش حابة نكون أنثى نهلة الأنثى ديما تبقا محڨورة أنا حابة روحي هكا

سكت و نا عارفة بلي كلامي معاها مش راح يغير و لا حتا حاجة منار مزالت عالقة في الماضي و في واش صرا في الماضي

_وينو تيم و تيمور روحت للدار نشوفهم مالقيتهمش

_تيم راح شهر لي فات لتركيا جاتو منحة دراسية

_ يااا فوور برافو عليه تيم ديما كان قاري علينا كان يقرينا و حنا كي دواب جامي فهمنا و تيمور وينو ما تقوليليش هو تاني راح ترك

ضحكت و قلت_ لا هو في اقامة ياك راهو سنة 2 ماستر

هزت راسها بإيه و قالت بصوت خافت خلاني نحس بحرقة في عينيا _ دنيا كيفاش تجري سبحان مزالني نتفكرنا و حنا صغار كان تيم هو كبير و بعدو تيمور و حنا كونا ديما تابعين ليهم كانو يعذبونا لانو صغار عليهم كانو يخلونا نجيبولهم ماكلة و نروحو نشريولهم توشحت لليام هاذي توحشت لخالتي رحمة ربي يرحمها

مسحت دموعي و قلت حتى نا توحشتها

سمعت تطبطيب في الباب ستأذنت من منار لي غمزتلي و تقولي _جا حبيب القلب

ضحكتلها ضحكة ما تبين والو داخلي و روحت نحل علبالي بلي هذا فتحي لانو أرسلان عندو مفتاح و صح لقيت فتحي قدام باب يحك في حاجبو حشمان

_أدخل فتحي برد برا دخلتو و دزيتو دخل و هو يقولي أصبري برك نقولك واش نسحق بلاما ندخل ما ديتهاش فيه و جبدتو معايا

تنحنح كي شاف منار قاعدة في بلاصتها و رجع لور قالي _ ياك قتلك مندخلش يا سامطة 😑 جيبيلي برك ساكوشا تاعي ني مديتها لأرسلان و ماردهاليش ديجا ني مزروب

ضحكت على وجهو و كيفاش حشمان مبعد قتلو اقعد برك هاذي بنت خالي منار ماهيش غريبة

سلم عليها براسو و منار ني نشوف فيها كيفاش شادة الضحكة مبعد دخلت للبيت تاعو خبطتني ريحتو خلات قلبي يخبط بسيف باه مديت يدي للخزانة جبدتلو ساكوشا تاعو و مديتها لفتحي لي قالي صحيتي و خرج طول ما دورش وراه

دورت عند منار لي طرشقت بالضحك و قالتلي_ راجلك باين كعبة بصح زل حق و ربي و غمزتلي

ضحكت انا تاني و قتلها _ هذا فتحي سلفي خو أرسلان ماشي أرسلان

حلت فمها و قاتلي اههه اوكي حسابلي أرسلان بصح كعبة وحدو هذا فتحي يبان جور يضحك

هزيت راسي بإيه و قلت_ وي فتحي من جور هذا خفيف ظل و ضحايكي بصح زعاف بززاف يعني يزعف على أبسط الصوالح و يرجع تاني ليه ليه قلبو بيض

هزتلي راسها بإيه و قالت بضحكة _ صراحة عايلة ممتعة ولاد مرت باباك يبانو ممتعين سكتت شوية و كملت _حقا عرضني باباك قالي أقعدني عندنا مدة صراحة ديسيديت نوافق

صفقت بفرحة و حضنتها _ مليحة حوبي هكا راح نشوفك بززاف و راح نحكيو بززاف لانو فريمو توحشتك سكتت شوية و مبعد قاتلي _ بصح وين راح نرقد

خزرتلها بلوم و قلت _منيتك باينة في بيتي أصلا واحد ما يرقد فيها من نهار تزوجت راهي فارغة تيم راو مكانش و تيمور راو في اقامة يرقد في بيت تعهم فتحي سينو بيت تاعي مفتوحة ليك حبيبتي

هزتلي راسها بإيه و ضحكت _ هكا تفرزت ديسيديت أنو نبقا

الحلقة 15 :

ضربت عيني للساعة نخزر فيها اي 11:00 و مزالو ما دخلش وين راح تنفضت من فراشي كي سمعت صوت مفاتح و هوما يقربعو و مبعد كي خبط الباب بلعت ريقي و لبست كلاكيت تاعي و خرجت نشوفو لقيتو خزرلي ببرودة ساكت

_طولت وين كنت

_ياك قتلك ماتحاسبينيش زواجنا على ورقة برك متجيش تلعبي عليا دور الزوجة عيشك

تنهدت و خزرت فيه و هو ينحي في قشو

_نحطلك تاكل

_لا

_كشما نديرلك

_لا

_اوكي ني رايحا نرقد

_اوكي تصبحي بخير

بلعت غصة في حلقي و رجعت للبيت تاعي قعدت عل. طرف سرير نجرب نتنفس بالجهد لحت يدي جبدت لابراي باه نتنفس بيها بسيف باه رجعت نتنفس عادي طلقت روحي على سريري و دموع تهبط بالسكيتة نسمع في صوت تقرقيب قريب مني بصح بعيد عليا في نفس الوقت

بداو عينيا يتغمضوو حتى نسمع في صوت تدقديق على باب تاعي نوضت هكاك بنوم لابسة نويزات عريانة من كل بلاصة و شعري طالع في سما كي حليت باب حسيتو تصدم مبعد خزرلي ببرودة و قالي بين سنيه _ متسييش ديري لقطات هاذو زعما باه نقرب منك ديجا نذمت لي جيت هنا و جاي رايح ما فهمت والو كان عقلي نوصو غايب نص راقدة

_واشنو واش تقول ما فهمت والو

خزرلي و نا نخزر فيه مانيش فاهمة مبعد شفتو خزرلي تحت خزرت انا تاني حتى شهقت رجعت نجري لبيتي لحت عليا بينوار و خرجت لقيتو واقف مبعد قالي جعت واش درتي عشا حطيلي ناكل

خزرتلو بسماطة و روحت كوزينة وجدتلو بلاطو تع عشا و حطيتهولوو بدا ياكل طول بلاما يخزر فيا و لا يحبس

للحظة للحظة حسيت بلي زواجنا حقيقة و بلي هذا رتحلي و انا مرتو و بلي

_علاش راكي تخزريلي هكا معليش صحيتي تقدري تروحي ترقدي

بلعت كلامو كي الجمر و رجعت للبيت حطيت راسي و رقدت

الحلقة 16 :

_ كيفاش رقدتي مليح منار

تبسمت و قلت براحة _ وي عمي جمال

شفت مع باباها تع نهلة علاش ما يكونش هذا الانسان المليح الحنون هو بابا السبب وحيد لي خلاني نبقا هنا غير عجالو عجال باه نحس بحب الأب و نتخايلو أبي في بلاصة بابا تع الصح لي صدمني انو مرت باباها تع نهلة أمينة كانت بززاف مليحة معايا و حنونة دارتلي فطور شباب و تهلات فيا في رقدة تع البارح فريمو حسيت براحة هنا بززاف

_صباح الخير ماما ديريلي ساندويتش تع كونفيتير و زبدة ني جيعان و

ضحكت بيني بين روحي كي لقيتو بلع لسانو و سكت و مبعد حك راسو و قال _ مكانش علبالي بلي عندنا ضياف ليوم

_ هاذي بنت خال نهلة و جاية تقعد عندنا مدة

حرك حاجبو بغيض باين عل وجهو و قعد بعيد عليا شفت معاه مصدومة من تصرف تاعو و حسيت بالغيض واش معنتها هاذي تاني تسما ماهوش حابني نقعد هنا و لا كيفاش بصح موحال نخلي رغبتو هاذي تسمطلي القعدة و تخليني نتأثر انا جيت هنا و راح نحس بكل قطرة حنانة أبوية من عمي جمال نستغلها شفت معاه من بين رموشي هففف زبالة متكبر معقد و

خزرلي هو تاني خلاني ندور وجهي بإنزعاج كملت فطوري لبست قشي كي جيت خارجة من بيت تخبطت فيه

_اوو ماعندكش عينين تشوفي بيهم قدامك

_واحد ما قالك اوقف في طريقي ما شفتكش أصلا

زفر بغيض و قال من بين سنانو _ على أساس انا قط حتى ما شفتينيش

هزت حواجبي و قلت بسخرية _ مش لازم تكون كبير باه نشوفك انا نحب نشوف الحاجة لي تعجبني و لي ما تعجبنيش منشوفهاش كون جا قط كون شفتو بصح نتا شفت معاه من فوق لتحت خلا وجهو يكحال من الغيض و الزعاف بصح مدارش عليا و هبط في دروج و خرج خبط الباب خبطة قاوية و راح

ضحكت بفرحة و عضيت على شواربي بفرحة حاطني ساهلة و راح نسكتلو معلبالوش بلي وجهي قزديرة مصددة و ما نحشمش خرجت و روحت عند نهلة لي كان وجها ما يتفسرش

_واش بيكي نهولة تباني مشوكيا واش كاين !!

هزيت راسي و تولهت ل منار لي جات و وجها باينة عليه تقلاق

_ااا والو جيست برك قريت وحد المقال عن خيانة زوج لزوجتو مع لي يخدم معاها

شافت معايا منار و طرشقت بالضحك حتى ولات تلهث مبعد قعدت فوق كرسي و قاتلي _ منيتك ما تقوليليش توسوستي لأرسلان بعد ديجا من début يا جدك مش مليحة نهلة هكا راح تهربيه منك فوتك من لقطات هاذو ماشي شابين

بلعت ريقي و مسحت وجهي منار معلبالها بوالو بلاك حاطة أرسلان يحبني بصح كلشي العكس ليوم الصباح كي سقسيتو واش يخدم لأنو انا أصلا ماعلباليش و هذا الامر شوكاني خلاني نفطن من رقادي و نروح نسقسيه و كانت الصدمة انو يخدم في شركة تصميم مثلا يصمم خزانات و الطوابل و صوالح هاذو مكونتش علبالي بلي قرا تصميم حطيتو ما عندوش نيفو أصلا و هو يخدم في شركة و تع تصميم تاني بلعت ريقي كي زدت و انا نفطر قريت خيانة زوج لزوجته مع سكريتيرا تاعو و صرات عركة كبيرة أدت بالسكرتيرا إلى الذهاب إلى مستشفى بعد ما تعاركت مع مرتو و مرتو دخلوها للحبس و جاتني فكرة لربما أرسلان يحب وحدة تخدم معاه لأنو انو ما يحبنيش بدون سبب هذا أمر خلاني نحط كل الإحتمالات و إحداها انو يكون يخون فيا و لا يحب وحدة تخدم معاه لأنو موحال واحد كيما أرسلان ما يخزرولوش نساء و لا يكحلولو حسيت بروحي عرقت

_مالكي نهلة منك بصح توسوستي لأرسلان بعد ما قريتي هذا خرطي

هزيت راسي و قلت بصوت فيه رجفة منار انا لازم نروح ندير حاجة اذا تحبي تقعدي تستنايني في دار

_نن منك بصح واش نقعد ندير وحدي هنا راح نستكشف الحالة هنا بيزمان ترجعي و تحكيلي واش راكي تخمي و غمزتلي

هزيت راسي بإيه و خرجنا هيا طلعت و نا روحت ركبت في فرود نحوس على الشركة لي يخدم فيها مزيا سقسيتو عليها و لأول مرة يقول حاجة بلاما ينذمني اني سقسيت

الحلقة 17 :

بعد ساعة و نا ندور بسيف باه لقيت شركة لي يخدم فيها و تشوكيت تالمو كانت كبيرة و فخمة بلعت ريقي و نا نخزر فيها بعدها سلكت حق الكورسة و خرجت نخمم واش الخطوة الجاية و الشي لي نكرهو فيا انو نحط خطة و بعدها منعرفش واش ندير و لا واش لازم ندير بعدها نحتار فريمو قعدت شوية نخمم كيفاش ندخل و لا واش ندير نقولهم انا مرت أرسلان دخلوني ماجاياش و نا هكاك نبني و نريب في أفكاري شفت حاجة خلاتني نتجمد في بلاصتي أرسلان و معاه زلة ضاربة لقصير لاطاي تاعها شابة و شعرها طويل و لابسة لبسة رسمية كانت تمشي و تحكي مع أرسلان لي كان كسونتري بززاف حسيت برجليا ما رفدونيش ما فقتش كيفاش عيطت بأسمو على طول راسي لقيتو جمد و دور لام حواجبو يحوس على مصدر الصوت كي شافني تحلو عينيه بصدمة و مبعد زير على فكو و على قبضة يدو و حسيتو صح تقلق بلعت ريقي كي شفتو شواش ما هدر مع لي معاه و جاي عندي كي وصل لعندي حسيت عينيه ولاو كي لايزر راح يتقبوني

_واش جابك هنا نتيا مريضة و شكون لي جابك !؟ ما تقوليليش جيتي وحدك و

عينيه حمارو من الغش و قبضة يدو راح تتفلق حسيتو راح يمدو يدو درك يفلعصني بطريحة بلعت ريقي و غمضت عينيا حتى نلقاه شدني من معصم يدي و جبدني معاه روحنا لواحد بلاصة مجبودة شوية و مكانش فيه الغاشي

_واش راكي ديري نتي درك راح تهبليني كيفاش تجي وحدك في طونوبيل و بلاك كشما دارلك و لا خطفك و لا

_خايف عليا قلتها بلاما نفيق لقيتو شدني من يدي و زيرني و زفر في وجهي بغيض نفسو كان سخون كي بركان من الغش

_نتي رايحا تهبلي علبالك باينة خايف لانو نتي آمانة عندي كون كشما يصرالك عمي جمال راح يكرهني و انا موحال نخليكي تكوني مرة أخرى سبة في فقداني لحاجة غالية خسرتيني صوالح بزااف نهلة

بلعت ريقي و غصتي و جربت نبلع دموعي تاني _مزالك ما سمحتنيش

_موحال نسامحك نهلة أنساي نسامحك قالها بكره

_علاش تزوجت بيا مالا زعقت فيه بتعب و بدات تجيني هاذيك النوبة تع الربو و المشكل أنو كنت نسيت لابراي لي نتنفس بيها

شافني بدا نفس يتقطعلي و بديت نفشل هزني بين يديه و قعدني في وحد الكرسي _ صاي صاي أسكتي مكونتش نقصد واش قلت

قعدني و قعد وليت لصقت فيه و مدخلة وجهي في رقبتو نتنفس في ريحتو شابة حسيتو تجمد و تصلب كور تاعو منعرف واش صرالي حسيت بنوبة راحتلي و نفس رجعلي شغل سحر أرسلان هو مرضي و دوايا في نفس الوقت

هزيت راسي بعيد و جبدت روحي عليه سيرتو أنو كور تاعو كان فريمو متصلب و جامد شغل حاملني فوق قلبو حسيت بموس رشقلي في قلبي بقيت نبعد حتى بعدت عليه خلاص _ صفا !!

هزيتلو راسي بإيه و مبعد قلت بلاما نفيق _ هاذي هيا لي تحبها

لم حواجبو و قالي بصوت حاير_ شكون لي نحب

شفت معاه و قلت بصوت متقطع _ لي شفتك معاها دركا

خبط جبهتو و قالي بصوت بارد مغتاض مني مفدود _ منك بصح راكي تزعقي عليا و لا واشنو دركا ما تقوليليش على هاذي جيتي لهنا

كان جواب باين على وجهي ولا يخزرلي خزرة تخوف و مبعد تنهد و ناض _ نوضي نديك تروحي

_ما قوتليش شكون هاذيك

_تخدم معايا ربك منك بصح مجرد عميلة جات تشوف الخدمة مكان والو بيننا نحي خرطي هذا راكي راح تقلقيني نولي نربطك في الدار علبالك

شفت معاه مصدومة و نوضت نمشي برجلين فشلالين لقيتو هزني بين يديه و ناس كامل تخزر فينا حمرت و وليت نبلع في ريقي بصعوبة مبعد ولا حطني قدام شركة و دخل و مبعد رجع جاب مفاتح تع طونوبيل حرت منين جابهم بلاك تع صاحبو سلفهوملو

_أدخلي

دزني ركبت و ركب هو تاني و شعل طونوبيل و مشا يدو على فولون قريب راح يطيرو و يتنفس بفدة

ما قدرتش نشد لساني كيما العادة _ طونوبيل تع صحابك هاذي ياك

خزرلي خزرة تخوف خلاتني نرعش في بلاصتي و سكت

_تاعي مدتهالي شركة بصح نخدم بيها برك

قالها بعد مدة خلاتني نخزر فيه من تحت لتحت بعد مدة لقيتو شدني من يدي و جبدني معاه دخلنا للدار غلق الباب بخبطة قاوية خلاتو يرعد

قعدت في بلاصتي و قلبي يخبط من التوتر و الخوف هكا لقيتو كالا الحيط و باقي يخزرلي خزرة قاسحة _واشنو !! قلتها بترد

الحلقة 18:

سكت شوية و مبعد قالي _ ني نخمم واش من بلاصة راح نبدا نقطعها فريمو عييتيني و مرة أخرى تربحي نتي و تخسريني حاجة في حياتي هاكي زدتي خسرتيلي صفقة تع الخدمة تاعي بتهور تاعك و تبهليل و خدمة تع شهور راحت بسبتك بسبت انو جيت و خليت العميلة فهمتها بلي قلة مسؤولية مني و بلي منيش سيريو

_أرسلان أنا

_أسكتي تعيشي أسكتي منيش حاب نسمع صوتك عيتيلي راسي تع الصح قالها بتعب و خبط الباب و خرج

حطيت يدي على فمي نشد بكيتي عندو حق انا ديما هكا ندير غير المشاكل بأنانيتي و طبعي السئء بعدم تفكيري المنطقي منيش عارفة علاش هكا نا دايرة دخلت بيتي قعدت نبكي حتى لقيت روحي رقدت و نفسي يتقطع

_أرسلان سمحلي منيش نقصد

نوضت مفزوعة من بلاصتي و عرقانة خزرت مع ساعة لقيتها 2 تع ليل بلعت ريقي و خرجت على طراف صوابعي روحت حليت الباب تع بيتو بشوية و دخلت لقيتو راقد تنهدت براحة جيت راجعة على طراف صوابعي و بشوية

_راكي صفا من النوبة تع قبيل

زعقت من الفجعة و خزرت ورايا لقيتو ناض و شعل فيوزة لي قدامو يخزر فيا في ظلمة عينيه شحال شابين هزيت راسي و بلعت لعابي و قلت برجفة خفيفة و نا نخزر فيه في فراش شعرو و هو مفرفش هكاك شتهيت نحط يدي تم و نبعثرو

_وي صفا انا جيت نشوف أسك راك راقد و

_و منيش راقد عندها و لا واشنو واش من توسويس الجديد لي راكي تخمي فيه

تنهدت و قلت بصوت تعبان_ مكونتش نقصد هكا تصبح بخير و خرجت و غلقت الباب و روحت بيتي طلقت روحي على فراشي و بقيت نضغط على عينيا باه ما نبكيش بعد فترة لقيت روحي راح نرقد حسيت بالباب تفتح و عاود تغلق بصح كنت نص فاطنة باينة راني نحلم

...........

تنهدت بقوة ستنيت نهلة تجي بصح مجاتش تقلقت عليها و كون ماشي عيب درك نروح نطبطب خرجت على روس صوابعي و ديسيديت نروح نطبطب عليها بلاك نلقاها فاطنة تقلقت عليها بزاف

_وين راكي رايحا

تهزيت من فوق دروج و نا هابطة شفت مع هذا فتحي و هو راقد فوق كانابي تع صالون و يخزرلي خزرة قاسحة

_ كنت رايحا عند نهلة نشوفها

_ دركا على 2 تع ليل علمن راكي تكذبي

خزرتلو بحيرة و قلت بصوت بارد _ ما فهمتش علاش راح نكذب مثلا

قرب مني و قرب حتى بقات بيناتنا قيس شبر شاف معايا و قالي ببرودة و إشمئزاز _ رايحا تتلقاي صاحبك مثلا في نصاص ليالي

حليت عينيا و فمي بصدمة و قلت بصوت بارد يخوف _ توله تحكي معايا هكا و تشكك و لو لثانية بشرفي اوكي توله لانو منخممش مرتين باه نجبدلك عينيك بظفاري و منيش نتمسخر

الحلقة 19:

كنت منيش قادرة نتحرك من بلاصتي و صوت تدقديق خلاني نفطن من رقاد فتحت عينيا كانت 11 تع صباح شهقت و نوضت نجري لبست لي جا قدامي و خرجت لقيت منار واقفة مخلوعة كي شافتني هكاك دخلت و غلقت الباب و طيشت روحي على كنابي

_مالكي تباني في حالة تقول فات عليك كار دڨدڨك

_ وي ولله فات عليا كار يا جدك حاسة بكور تاعي كامل يسطر

_ علاش واش كاين نهلة بارح ستنينك تجي ماجيتيش

سكت شوية و مبعد تنهدت _درتلو بروبلام قد سما منار انا انسانة تافهة و نعيي و ما نخممش في الناس نخمم غير في روحي

_ نهلة علاش راكي تهدري على روحك هكا واش درتي زعما

تنهدت بقوة و حكيت لمنار كلشي كي خلصت قعدت حذايا و قالت بصوت بارد _ هاذيك العاهرة هيا سبة نتي خاطيك نتي خطأتي بصح صححتي الخطأ تاعك و روحتي بنية أنك تصححيه بصح هيا لي فسدت كلشي بصح جاست تع راجلك أرسلان صح جاست شباب مع انو خربها مع لول بصح قدر يردلك إعتبارك في نفس اللحظة

تنهدت بقوة و معست عينيا و وليت. نلم شعري بفدة راح نطيرو

_ تباني راح تطرطقي

شفت مع منار و قلت بحرقة و خنقة_ عفسة تحرق فيا لداخل في قلبي شغل قلبي يحرق و يسطر منار خزرة تاعها بيه و كيفاش دارت يدها هكا على كتفو حسيت روحي حاب نشدها و نخنقها بيديا لين تموت

شفت مع منار لي كانت تخزرلي مدهوشة مبعد قالت بصوت مدهوش _ نتي مراكيش غير تحبيه نتي راكي سيبون شغل طحتي فيه طيحة الواعرة هاذيك تع موحال راح ترفدي راسك منو ..نهلة أول مرة نشوفك هكا نحس بلي نفس تاعك و نتي تتنفسي فيه فيه اسمو راكي تتنفسي بيه

بلعت لساني و نا نخزر في منار لي بقات تخزرلي مدهوشة مبعد شدتني نوضتني و دزتني قاتلي ألبسي قشك و أديني نحوس يالا تحججت باه تخليني نبقى في دار و نرقد بصح كانت سيبون ديسيدات و منار مكانش معاها كلمة لا لبست حجابي و قشي و خرجنا كنت طول طريق تايهة و لاهية فيه هو ديما شاغلي بالي

_اييييي أنسايه شوية أنسايه خليك من الحب نساي الحب خلي راسك يرتاح نهلة عيشك حبيبتي

تنهدت بقوة و هزيت راسي بايه و شديت منار من يدها و دخلنا حانوت تع قش شريت قش ليا أما منار شرات سروال تع رجال عجبها حتمتلها تدي واحد لاغوب عجبتني من ستان بسبب باه داتها بعدها تغذينا و جينا مروحين و هنا طالعين نحكيو و نضحكو نسمعو في صوت قريب منا و طونوبيل تبع فينا و راعي خانز يرميلنا في كلام الباشع

_أطلقيني نهلة أقسم بالله نرخسو

شفت مع منار لي تحكي منها بصح هيا صح تعلمت كراطي و جيدو و جاية كابابل و متهابش بصح راجل هذا يخوف و جاي من جور لي ما يحشمش خفت كشما يديرلها و هيا أمانة عندنا

_خلينا نروحو منار ما تحكيش معاه خلينا منهم

_اييي ليك المحجبة مممم عندك وحد لاطاي و وحد زين اااااه حوجيانا لي داك عندو زهر يا ودي تدي لعقل راكي ديتيلي عقلي و قلبي اركبي خليني نديك لبلاصة نشربو فيها قهوة و نحكيو بلاك نعجبك يا عمري

نطق لي معاه في طونوبيل _ شوف لي معاها هاذيك لي شعرها قصير كيفاش جاية مثيرة و تسخف عجبتني جاية كي القطة لي تحب تخبش شحال حاب نروض قطة هاذي نديرها تحتي تعيط بأسمي و ناضو يضحكو ضحك قاوي

_. بزااف هكا

دزتلي منار يدي و دارت ليهم و نا قلبي حبس وقت خبطتلهم طونوبيل تاعهم بزوج يدين و قالت بصوت عال و مغشش _ أخرج يا رخيس تترجل على نسا يا وجه الطفلة يا خانز حيوان جنسي مريض يا عاهر يا.....

بلعت ريقي و دموع تع الخوف بداو يتسرسبو من عينيا نشد في منار لي كانت صايي ولات هاجت وهيا تسب و تخبط في طونوبيل بزوج يدين

كي شفتهم خرجو في زوج طاح قلبي عند رجلي سيرتو كي سمعتهم قالو بصوت يخلع _ راح تشوفي كيفاش نغتاصبك حتى تموتي بين يديا يا عاهرة

و جاي راح يتلاح عليها زعقت مصدومة بصح منار كانت هربتلو و ضربتو بركلة طيحتو و بقات تركل فيه بصح لوخر جاي من لور و شدها وليت نزعق و نضرب فيه بساشيات و نبكي بصح كان لوخر ناض و شدوني انا تاني سيبون شفت نهاية تعنا و هوما يجرو فينا باه يدخلونا للطونوبيل عرفت بلي كون نركبو سيبون راح يغتصبونا لين نموتو و ما يرحموناش و نا هكاك قريب راح نتغاشا من الخلعة و بديت نتنفس بالجهد شفت غير خيال دخل بيننا و صوت نعرفو زعق عليهم يا رخاس ليوم موت تعكم على يدي.... كان كان صوت فتحي

الحلقة 20 :

بعد فترة فتحت عينيا لقيت منار و فتحي عند.راسي نوضت مفجوعة و قلبي يرجف في بلاصتو تفكرت واش صرا قبيل و كيفاش كانو راح يدخلونا للطونوبيل و كيفاش كانو راح يغتصبونا حتى نموتو سالو دموعي و نا نحضن في منار لي كانت جامدة كي الصخرة مبكاتش مومبا

_منار راكي مليحة

هزرت راسها بإيه و خبات يدها مجروحة بعيد بصح كنت شفتها شديتها و زعقت كي شفتها رابطة يدها و دم يسيل منو _ واش هذا واش هذا فتحي

بلعت ريقها وشافت مع فتحي لي قال ببرودة_ منار ضاربت مع هاذوك الرخاس و كي طحتي تغاشيتي كي جات ترفدك غدرها واحد بموس في يديها بصح ضربة كانت خفيفة ماقسهاش بزااف

_ بصح ....ما قدرتش نحكي بكيت و انا نخزر في يدها لي قاعد يسيل منها الدم

_هاذي بسبتي لأنو انا ديما هكا نسبب مشاكل للناس لأنو كون ما كنتش ضعيفة و ما تغاشيتش ماكانوش راح يقيسوك نتي متعلمة كراطي و جيدو موحال كانو راح يقيسوك

مدت منار يدها مسحتلي دموعي و تنهدت بقوة و قالتلي _ نتي مكيش سبة نهلة نورمال ضربة خفيفة ماهيش حاجة ڨراف و تخوف حبيبتي ما تتقلقيش

بلعت ريقي بصعوبة. و نا ننهج سع جبدتلي لاباراي لي نتنفس بيها و مدتهالي بشوية بشوية رجعت ليا أنفاسي وقدرت نتحكم في إنهيار تاعي

و حنا هكاك لقيت أرسلان دخل علينا بوجه ما يستفسرش و عينين حومر و وجه أصفر

_ واش صرا كي جيت طالع قالولي خوك و مرتك صرات معاهم عركة كبيرة و مرتك تغاشات و طلعوها صفرة للدار بلاك ماتت

حطيت وجهي بين يديا و قعدت نتنفس بالجهد كي تفكرت واش صرا إقشعر كور تاعي كي تفكرت واش صرا قعدت نتخايل واش كان راح يصرا كون دخلونا في طونوبيل و كون ماجاش فتحي و منعنا

_فتحي أرواح

قالها أرسلان بطريقة خلاتني نخزر فيه و عقلي راح لبلاصة كي شفتو غلق الباب و في عينيه نظرة تع تصميم فهمت واش راح يدير نوضت برجلين فشلالين يرجفو قريب جيت على وجهي شدتني منار وقفتني وليت روحت نجري لقيتهم رافدين سكاكن و خارجين عرفت بلي لي خممت فيه هو لي راح يديرو أرسلان

_أرسلان تخرج منا أقسم بالله غير درك نحرق روحي و منيش نتمسخر

شاف معايا بعينين حومر و وجه كحل خلاني نرجف بصح علبالي كون نخليه يروح أرسلان راح يروح من بين يديا

روحت جبدت ليصونص و قتلو وآله نحرق روحي اذا خرجت و روحت تقابضت معاهم

_نهللللللللللللللة

زعق فيا خلاني نرعش في بلاصتي بصح مبغيتش نحبس بزعت عليا شويا ليصونص خلاه يغلق الباب و يرجع على وراه

_ صايي حبسي صايي منيش رايح خلاص حبسي جياحة هاذي خلاص حبسييييييبي

_ اوعدني اوعدني سع بلي مش راح تتقابض معاهم و مش راح تقرب منهم و لا راح تجرب أنك تروح ليهم و كون تروح تتقابض معاهم و لا كشما دير ولله ولله غير نحرق روحي و كون تولي راح تلقاني محروقة رماد و سع ضبر كاش مبرر باه تقولو لبابا لي أمنك عليا

كنت علبالي بلي نضغط على نقطة صعيبة و حساسة

خزرت مع يدو لي كانت ترجف من الغش و الغضب و الكره وجهو كان ما يتفسرش غمضت عينيا من خوف منو كان يخوف لدرجة كبيرة رما سكين في لرض و تجاوزني و دخل للبيت و غلق الباب وراه بخبطة زعزعت الدار

_مكانش لازم ديري هكا نهلة هذا راهو عرضو و لازم عليه انو يقتل عليه

شفت مع فتحي لي خزرلي خزرة قاسحة و حط.السكين و خرج تم انا إنهرت و طحت شدتني منار وقفتني و قعدتني فوق فوتاي و بقات تهدي فينا حتى هديت داتني لبيت لي كنت راقدة فيها و قاتلي ما تروحيش عندو ليلة خليه براحتو يزيد يرد زعافو فيك جيت راح نقولها أصلا منيش نرقد معاه حرمني من هذا الشئ بصح وليت سكت و نا نهزر في راسي بإيه مبعد منار راحت و بقيت وحدي في بيت نرجف كلما يجي مشهد هذاك و هوما يجربو يدخلو فينا للطونوبيل فورصي و يجي سؤال كون ماجاش فتحي في وقت المناسب واش كان راح يصرالنا كنت مش راح نزيد نشوفو مرة أخرى ... الى الأبد

الحلقة 21 :

شهقت مفجوعة و كابوس يخوف خلاني نوض من عز نومي حسيت بقلبي تخلع من بلاستو قعدت يرجف من الخوف و التوتر زعقت كي شفت خيال قاعد عند كرسي لي قدام سرير تاعي بقيت نزعق و نبكي حسابلي هاذوك الوحوش لحقوني للدار كنت نهلوس حتى نلقا صوتو تخلل حواسي و خلاني نبلع زعيقي

_ني أنا نهلة حبسي عياط شفت معاه بدموع حتى تأكدت بلي هو باه تنهدت براحة و تلاحيت حضنتو بقوة نرجف من الخوف و الخلعة

_شششش خلاص خلاصت مكان والو مكان حتى حاجة تخوف هنا سيبون فاتت فاتت

بسيف باه شديت روحي و بعدت عليه تفكرت بلي مايحبش كي نقرب منو نمسو شافني جبدت روحي فهم و سكت بقيت نشوف مع وجهو وهو قريب مني تحت ضوء قمر عينيه لي كانت تقول كلام و هيا ساكتة و يديه و هيا تتزير و تعاود تترخف و تزيد تتزير و تعاود تترخف مام تنفس تاعو كان تع واحد غاضب بززاف

رمشت كي شفتو خزر فيا و دروت وجهي ما فهمتش كيفاش حتى ولا هو فوقي و نا تحتو و يديه مزيرهم عند راسي كان يخزر مع عينيا خزرة قاسحة و باردة و مظلمة

بقيت نجرب نبلع ريقي بصعوبة شحال من مرة و قلبي يخبط في راسي نفس تاعو يخبط في وجهو و هو قريب مني جسم تاعو يقيس في جسم تاعي مانيش فاهمة واش يدير مانظنش أنو حاب يقرب مني و يدي حقوقو زوجية مني سيرتو دركا

_وين قاسك

_آه !!؟ قلت بصوت يرجف قلبي يخبط منيش قادرة نستوعب مومبا واش قال

_قتلك وين قاسك هذاك الرخيس وين قاسك كان يزعق و هو يهدر خلاني نرجف و نا نقول بصوت متقطع _ما ما ما قس قسنيش

_نهلة قالها بتهديد خلاني نموت من الخوف

بلعت ريقي و حطيت يدي على جنبي ليمن كيما كان يجرب يدزني باه ندخل طونوبيل و حطيت يدي على ذراعي كيما كان يجبد فيا

خزرلي بساكت مبعد ناض من عليا و وقف و خرج و غلق باب وراه بقيت مدة نخزر في باب ماني فاهمة والو وليت حطيت راسي و تالمو كنت عيانة رقدت

كي نوضت صباح روحت نشوف البيت لقيتو مكانش فرزت الحالة و لبست قشي و روحت لدارنا سلمت عل. بابا و على مرت بابا كنت نحوس نشوف أسك عرفو كاش حاجة و الحمد لله مكانوش علبالهم مزيا الحادثة صرات بعيدة على الدار

طلعت لبيت لقيت منار مزالها راقدة و هذا الشئ ماهوش من عاداتها روحت نوضها مديت يدي باه نفطنها حتى نتنفض مفزوعة كي حطيت يدي على يدها لقيتها سخونة كي النار حطيت يدي على جبهتها لقيتها شاعلة فيها نار

_منار راكي محمومة منار راكي تسمعي فيا

همهمت و ما حلتش عينيها لحت عيني على جرح يدها لي كان متورم بلعت ريقي هذا كامل منو من الجرح لي في يدها ما عرفتش واش ندير هبطت جبت ماء بارد و كمادات جربت انو منبين والو و نخلي كلشي على طبيعتو

الحلقة 22 :

بقيت هكاك نجرب أنو نهبطلها السخانة بعت فتحي يشريلي دوا تع سخانة شربتهولها و بقيت معاها حتى حسيت بلي سخانة تاعها هبطت تنهدت براحة عاودت نظفتلها الجرح تعها و درتلها فاصمة نظيفة مبعد هبطت لتحت قعدت مع مرت بابا سقساتني على كيفاش الحالة مع بنها و كيفاش يعاملني من موحال انو نحكيلها الصح و نقولها بلي راني شغل كيفي كيفي المحابسي لي يتعرض للقمع اليومي سقساتني على منار قتلها حابة ترقد ليوم غلبت من دورا قاتلي معليش خليها تريح خ

حمدت ربي انو ما تولهتش لواش يصرا بعدها كي جيت مروحة طلعت شفتها قستلها سخانة و عاودت بدلتلها على جرح كانت السخانة تاعها هابطة مام جرح تحسن وصيتها انو كشما يصرا تعيطلي يا ربي على 1 تع ليل نجي و حطيتلها كلشي قدامها ماكلة و تليفون و كلشي و روحت و يدي على قلبي قبل ما نروح وصيت فتحي انو يحط بالو معاها كشما يزيد يصارلها ويعيطلي قالي اوكي

كي روحت لقيت أرسلان في دار كي دخلت زعق فيا طول خلاني نرجع على ورايا مفجوعة _ وين كونتي

_ كنتي عند بابا طليت على منار

شاف معايا شوية مبعد قالي_ جعت ديريلي عفسة ناكلها.. هزيت راسي بإيه و نحيت قشي و خيماري درت شعري كوتشفال و روحت كوزينة ندير في ماكلة و عقلي عند منار كيفاش راهي درك كي جيت راح نديلو ماكلو تخطفت كي لقيتو ورايا يخزر فيا بسكيتة مبعد هز سينية من بين يديا و راح بيتو و غلق الباب بقيت نخزر فيه تايهة وقلبي يتزير في صدري يحرق و يوجع و يخبط علاش ماناش كيما اي زوج و زوجة عاديين علاش لازم نكونو هكا وليت رجعت كوزينة من الغيض والغش رفدت كلشي و بديت نغسل فيه طباسا مقالي و كلشي كلشي نحك و نعاود و نغسل سردت كامل روحي و نا لاهية نحك في حيوط و نغسل في فريجيدار كي خلصت كنت عييت تع الصح دنيا رديتها تبرق روحت درت دوش و خرجت كنت حابة غير نحط راسي و نرقد سيبون مبقا فيا والو و نسيت على روحي خرجت بمنشفة تع دوش كي جيت راجعة لبيت تاعي تقادفت في أرسلان خارج و رافد معاه ماعن خزرلي بدهشة من لفوق لتحت خلاني نحس برجفة شدتني في كور تاعي شغل تريسيتي و فرشات يلعبو داخل كرشي خليتو واقف و هربت لبيت تاعي غلقت الباب و لبست قشي مشطت شعري و جيت في بلاصتي و غمضت عينيا بقا مشهد و هو يخزر معايا يلعب داخل راسي بسيف باه قدرت نرقد ...

.........................

تبسمت و نا نقرا في ميساج. تع روان كنت راح نعاود نزيد نبعتلها ميساج حتى نسمع صوت تقرقيب جاي من بيت تع نهلة لي راقدة فيها منار لبست كلاكيت تاعي و خرجت نطل بلاك كشما تستحق هبطت للكوزينا لقيتها حاطة راسها على لافابو و يدها على عين شفتها هكاك خفيت رجلي و قلت بتقلاق _ راكي مليحة

هزت راسها بسيف و خزرت فيا بعينين حومر عيانين كانت بيسف ما تتنفس و تجاهد باه تبقى واقفة و لأول مرة نلاحظ بلي عينيها فري شابين شعرها قصير كيفاش مفرفش حول وجها لي كان عرقان

_واش راكي حابة درك نجيبهولك قعدتها فوق كرسي و خزرت فيه و هيا تمهمه _ ما ماء نش نشرب

هزيت راسي و جبتلها كاس معمر شربتو كامل خزرت فيا و قالت بتقطع _ معل معليش كا كاس اوخر عط عطشانة ڨراف

هزيت راسي بإيه و عمرتلها كاس اوخر شربتو كامل و مسحتها فمها بيدها تلهث شفت معاها حاير واش نزيد نديرلها ما فقتش كيفاش حتى مديت يدي و قستلها جبهتها تنخلعت و جات راح تجبد يدي بصح خزرت فيها خزرة حادة ولات نحات يدها_ جيست حاب نشوف سخانة اسك هابطة

تنهدت براحة كي لقيتها هابطة وليت نحيت يدي جات نايضة بسيف و طالعة في دروج

_ ميرسي لأنك حاميتي عل. مرت خويا

كملت طلعت حسابلي مش راح ترد عليا بسيف لقيتها قالت ببرود _ قبل ما تكون مرت خوك هيا بنت خالتي

سكت شوية و مبعد قلت بصوت خافت _ ديزولي على كلامي الجارح الخطرة لي فاتت معرفتش واش صرالي كي شفتك تحاولي أنك تدي إنتباه ماما و عمي جمال ليك حسيت راح نكون الخيار الثاني كل مرة عندهم

سكت و نا نخزر بصدمة في ظهرها و هيا واقفة عند دروج منيش عارف كيفاش حتى قلت حاجة كيما هاذي منيش مصدق

الحلقة 23 :

_ منيش نلوم فيك لانو لي راك تحس بيه راني حسيت فيه و راني نحس فيه و طلعت بقيت نخزر فيها كي دخلت البيت و غلقت البيت وراها ما فطني غير صوت تيليفون كي تهز بميساج خلاني نتفكر روان تنهدت بقوة و رديت عليها بتبسيمة

_ وينك طولت ما رديت !!

_ كنت نحوس على عفسة ناكلها و مالقيت والو ديزولي

_معليش نا نخليك دركا عييت تصبح بخير انشاء لله 😘

_إنشاء الله غدوة نڨسرو مليح ❤️

تنهدت و انا نخبي في تيليفون داخل جيبي و في عقلي ألف فكرة و فكرة...

.................

في ظلمة و في زنقا فارغة يمشي و عقلو يدي فيه و يجيب فيه مجايب حتى خبر روحو و رجليه يتقادفو عقلو غايب من سم لي يشرب فيه كل يوم

_اووو توله عما ولا مراكش تخزر فيا...... (.كلام عيب )

_نتا هو عز دين لي عيطولو عزو !؟

ضحك ضحكة قاوية و رجليه يتقادفو هنا و لهيه _ انا هو عزو غير الخير ... آآآآآه

زعق على طول راسو و موس يترشق في جنبو ليمن و في ذراعو بلاما يتعمق و يوصلو للموت قرب من. وذنو و قالو بصوت يخوف كي الفحيح تع لفعى _ هذا ميساج من أرسلان قالك يدك هاذي لي حطيتها على مرتي راح تطير عس روحك لأنو مرة جاية راح تموت صح ماشي تهديد و دزو طاح في لرض يزعق من وجع بعدها بمدة تلايمو بيه الناس و هو ينزف في لرض داوه لسبيطار و هو يرعش من الخوف و يقولهم واحد أسمو أرسلان راو باغي يقتلني منعوني منو بصح واحد ما داها فيه لانو علبالهم بلي السم لي يشرب فيه و يتعطاه يخليه يدخل في حالة ما يفرق والو

..............

_منار صفا حبيبتي ليوم

شفت مع نهلة لي باين على وجها الخوف و عينيها مقلقين

_مكان والو حبيبتي خلاص فاتت أنا الحمد

شفت مع نهلة لي هزت راسها بإيه مرتاحة مبعد جات بدلتلي الفاصمة و تحكيلي كيفاش تقلقت عليا بارح كي طلعتلي سخانة و انو وصات فتحي انو يتهلا فيا تفكرت بارح كيفاش عاوني و طلب مني سماح و فوق هذا شكرني صراحة هذا الشئ صدمني فيه لان كنت حاطتو إنسان متكبر و موحال انو يستعرف بخطأ تاعو بصح فاجأني صح حسيت أنو هو في نفس situation تاعي و انو يحس انو هو الشخص الثانوي لي يحضى بالحب هذا وين فهمت علاش تصرف معايا بهاذيك الطريقة الهجومية

هزيت راسي كي سمعت تدقديق في باب تحلو عينين نهلة ولات تغطيلي في يدي و تقولي أعدلي قعدتك بلاك تكون ماما أمينة لازم منخليهاش تفيق

عدلت قعدتي و غطيت يدي مليح و نهلة فتحت الباب و مبعد تنهدت و قالت براحة _ خلعتني فتحي حسابلي ماما امينة

هز راسو بلا و دخل طاحت عيني في عينو خزر فيا خزرة ساكتة و مبعد قالي _ راكي مليحة دركا

هزيت راسي بإيه و قلت _ وي مليحة بززاف ميرسي لأنو سقسيت عليا

هز راسو و مبعد مد لنهلة ساشي و قالها فيها دوا يفيد منار ياسر هزت نهلة راسها بوي و شكرتو و غلقت الباب وراه كي خرج

_أصبري نعيط دوا هذا فتحي بززاف يعرف لدوا

سكت شوية و مبعد قلت _ علاش !؟

_لانو هو فرمسيان

حليت عينيا و قلت بدهشة _ متبانش عليه بلي قاري

ضحكت نهلة و قالت _ حتى نا دهشت و كانت رد فعل تاعي كيفك بصح هو قاري و أرسلان قاري لزوج قاريين... تعرفي بلي يشبهو لبعض بززاف بزاااف تحسيهم ماهوش نورمال مين داك نحس بلي ماهومش عباد نورمال طبعيين عندهم تخمام بيزار يأذوك مبعد يذاويوك و يوجعوك و مبعد يجيو يواسيوك يبكيوك و يمسحولك دموعك خليط الالم و الراحة

فهمت واش تقصد نهلة مليح نفس الشي صرالي مع فتحي شربت دوا و مبعد حسيت بلي حابة نرقد غطاتني نهلة مليح و قاتلي هذا فيه منوم راح ترقدي مليح و آلاز

هزيت رأسي بإيه جيت راح نقول حاجة لقيت لساني ثقال و رقدت بلاما نجيب خبر لروحي

الحلقة 24 :

فاتو ليامات عاديين منار برات و تحسنت حتى جرح بدا يتلم و يبرا خلاص ، أرسلان مزالت علاقتنا هكاك بين مد و جزر عياط و سكات ، راحة و ألم ، بكاء و ضحكة و كل مرة نحس بلي كاينة حاجة أعمق من لي يبينلي فيها أرسلان و بديت نحقق في الامر و نحب نفهم و نعرف صحيح انو نحس بيه يضعف للحظة أمام الأنوثة تاعي مثلا كيما يلقاني لابسة عفسة عريانة و لا كي يشوفني لابسة حاجة مفضوحة نحس بلي كاين تيار تع نار بياناتنا بصح بعدها نحس ببرودة و إشمئزاز على ملامحو و هذا خلاني نحتار كيفاش يتشهاني و يعافني في نفس الوقت كاينة حاجة مراهيش في بلاصتها هنا و انا ماقدرتش نفهمها

تنهدت بتعب و حطيت الكاس الاخير لي غسلتو من يدي نحيت مريولة تع غسيل ماعن و ديسيديت نروح عند منار نقعد معاها على الأقل ما نخممش و ننشغل بحاجة افضل من تخمام لبست جلابتي و خيماري و خرجت غلقت الباب كي دورت عل نية و طيح عيني في عينيها صفرت و حسيت بنفس تقطع مني جيت راح نعاود ندخل للدار بصح كان وقت المواجهة لابد من أنو يصير تنهدت مرتين و رجعت كتافي لورا روحت و قلبي يخبط بقوة في راسي

_بعد مدة طويلة

هزيت راسي بإيه و قلت بصوت فيه حنين_ كيفاش راكي روان !!؟

..................

لبست صباطي ليه ليه و عقلي يدور في دواير منيش فاهم علاش عيطتلي روان. و قاتلي أرواح ليه ليه نسحقك كي جيت خارج مزروب ما تولهتش لمنار لي جاية داخلة و تخبطت فيها زدنا شويى و طاحنا من على دروج شديتها بصح كنت قستلها بلاصة الجرح عيطت بوجع و خزرت فيا بدموع في عينيها

_ديزولي ديزولي منار والله ما شفتك

رفرفت بشفارها و قالت بصوت متوجع _ لا عادي أنا لي خرجت في وجهك فجأة ديزولي

شفت معاها كيفاش تحاول تتحكم في وجع تاعها و ما تبينوش هاذي طفلة هاذي طفلة أول مرة نتلاقا بطفلة زيها في عمرها 22 سنة برك تحسيها كبيرة ، قوية و عندها واحد كاريزما قتالية ، عندها حب للعايلة و تحاول تحامي على لي تحبهم عندها حس بالمسؤولية عندها قلب دافي عكس ما تبين انو ما تهتمش و باردة منار خلطة من كل شيء شباب و مليح شخصيتها شخصية فريمو فريدة من نوعها خزرت في عينيها كحولا و تبسمت ردتلي تبسيمة خفيفة

تفكرت روان خرجت نجري من دار كي قربت نوصل لقيت روان و مرت خويا نهلة في مواجهة بعضهم بلعت ريقي و ستنيت لين تحركت نهلة و دخلت للدار تم روحت عند روان لي كانت ملامحها متشنجة جبدتها معايا لبلاصة مجبودة

_كشما صرا مع نهلة !!

هزت راسها بإيه و حضنتني تبكي بلعت ريقي و نفس تقطع فيا حسيت بقلبي ولا يخبط _ روان قلتها بدهشة

_خسرت صديقتي للأبد فتحي انا قتلها مش راح نسامحك كنت حابة نسامحها و نرجعو كيما كونا بصح

_بصح مزالك تحبي أرسلان و غايضتك أنو صديقتك. تزوجت بيه و نتي فسخ عليك

حسيت جسم تع روان هدن شوية و جمد مبعد دزتني و رجعت لورا مصدومة تخزر فيا خزرة باردة قالت و هيا تلهث و دموع في عينيها _ أنت مكش تفهم فيا انا ما حبيتش أرسلان كانت كاينة حاجة تقولي انو هو إنسان ماشي تاعك كاينة حاجة تخصو تخليني نرتاع و كي نجي باه نحبو نحبس كيفك فتحي منين نجي نحبك نحس بلي راك بعيد عليا كيما رملة راك بين يديا بصح راك تتسرب من و منهيه منيش شادتك مليح

_روان أنا

_فتحي من مستحسن أنو نحبسو هنا من موحال أنو علاقتنا أنها تكمل نتا مش راح تفوت حكاية انو تخطبت لخوك و راح تبقا عندك ديما هاذيك النزعة تع بلاك حبيتو بصح نكذب عليك و منيش نقولك في الصح نتا مراكش راح تأمني فتحي نتا رجل بززاف متعصب من كوتي هذا و ماش راح تتجاوزو و علاقتنا راح تبقا هكا ألوغ نحبسوها دركا خير ما نتعلقو ببعضنا أكثر و نتأذاو أكثر كرهت انو نتأذى كل مرة من كل الناس خيرت صحبتي و نتا و كامل لي عرفتهم في حياتي زمان قاعدين يطيحو كيما ورق الشجر

الحلقة 25:

شفت مع ملامح روان الصامدة و الجادة ملغري كانت تشهق بالبكا بلعت ريقي بصعوبة منيش حابها أنها تروح جزء مني مزالو حابها و متمسك بيها روان حب صغري لي جامي أستعرفتلها و كي تخطبت لخويا كلشي تقلب مقدرتش نفووت هاذي المحطة ما قدرتش انو نتجاوز انو كنت الشخص الثانوي عندها هيا تاني ما قدرتش و عندها حق راح نبقا نفكرها كل مرة و راح نأذيها شديتها في حضني و حضنتها بقوة بقوة و قلت بخنقة شديت دموعي بسيف _ روان أعرفي بلي حبيتك صح... نتي حب صغري لي درك راح نطلق سراحو لأنو ما يستاهلش مني أنو نأذيه نتي غالية عليا روان بزاافف و ما تستهليش تتأذاي

_ ميرسي لأنك كنت في حياتي فتحي ميرسي بزااف مش راح ننساك

بلعت ريقي و عرفت أنو هذا هو الوداع الأخير روان راح تخرج من حياتي و بطريقة نهائية هاذي مرة ....

وجع القلب كيما النار لي تشعل و ما تطفاش تقعد تحرق و تحرق و تحرق حتى تاكل كلشي داخلك ...

كان آخر كلام قالتو روان انو راح تسافر كندا عند عمتها و انو راح تروح منا لأنو الحياة هنا فريمو عياتها قاتلي حابة نبدا بداية جديدة و نعيش حياتي لي نحس فيها قاعدة تهرب مني و انا نجري وراها و ما قدرتش نشدها

ما فقتش كيفاش تلاحيت على خويا لكبير أرسلان و عطيتو ببونيا خليتو يرجع لورا مدهوش حاط يدو على خذو يخزرلي بصدمة ماشديتش روحي و زعقت فيه بدموع _ علاش دخلت روان في لعبتك و كسرتنا علااااااش ديما كنت أناني أرسلان و راح تبقى أناني حتى نهلة لي تعشق فيك راح تهرب منك كاش نهار لانك نتا لي قاعد في كل مرة تخمم غير في روحك ، في وجعك ، في همومك و مشاكلك و صعوباتك و حياتك و قاعد ترمي على هذا و على هذاك و على لوخر و على كامل الناس في أخطاء تاعك حتى بابا و رميت عليك أخطاءك و قتلتو نتا تعرف مليح بلي بابا و ماما كانت حياتهم مستحيلة مش لانو بابا كرهنا خلانا هوو ماقدرش انو يدير حتى حاجة بإستثناء يخلينا مع أمنا باه تربينا بصح رحت رميت عليه كلام ماشي مليح حتى و لو ما إستفزتكش نهلة داك النهار نتا كنت راح تدير نفس الفعل لان حسابلك بلي بابا هو لي خلانا و الحقيقة انو حنا لي خليناه اوكي

شفت مع أرسلان كان وجهو جامد جبدت نفس و دورت و روحت نمشي بعيد كنت نغلي مسحت دموعي لي زلقو من عينيا روان راحت ، ماكونتش مصدق انها راح تروح حتى شفت كابتها و هيا تسلم على يماها و ركبت في طونوبيل و راحت روان راحت صح هاذي المرة

....................

لأول مرة نلقا أرسلان ساكت كيما هكا و راكح كان يخزر لبعيد و يشوف مع الحيط بصح لي كان يشوف فيه ماشي لحيط حاجة أعمق ترددت بززاف قبل ما نقدم منو بصح قدمت و ريسكست علبالي راح يرد فيا كامل غيضو و راح يكسرلي قلبي للمرة الألف بلعت ريقي و حطيت يدي على يدو شفت كيفاش تحركت الحدقة تع عينو و خزرلي زوج مرات ماهوش يخزر فيا مبعد جبد يدو كنت علبالي بلي راح يدير هكا بصح كي دارها سمعت صوت قلبي كي طاح و تكسر ما قدرتش نشد روحي و انا ماني عارفة والو عقلي يظل يفور بالأسئلة لي مالقيتلهاش جواب خلاص

شفتو كي ناض خزرت فيه و زعقت تالمو قلبي واجعني_ لدرجة هكا عايفني و ماتحملش لمستي ليك علاش تزوجت بيا علاش علااااااش كنت منهارة لدرجة أنو كنت نبكي و نشهق بقوة و كي زدت شفت ملامحو لي ما تبدل فيها والو غير زادت ظلامت حسيت اني تزوجت حجرة حجرة و عندها لي سونتيمو خير منو شفتو راح يعطيني بالظهر و رايح شديتو من يدو و دورتو لقيتو دزلي يدي بقسوة رجعت لور و طحت شفت معاه مصدومة كي قال بصوت عال يخوف فيه رجفة _ بعدي عليا علاش ما تفهميش متمسينيش منحملش تمسيني لا نتي و لا غيرك انا نعاف نعاف و نكره هاذي اللمسات المقززة قدم مني و قال بصوت يرجف بارد جامد _ تحوسي تعرفي علاش انا هكا حاب نقولك بلي نتي سبة في لي راني فيه دركا بسبتك نتي انا حياتي تحطمت وليت منيش إنسان سوي مانقدرش نعيش كأي رجل عادي منقدرش نقرب من مرتي و نمسها

الحلقة 26:

خزرت فيه مصدومة عينيا قريب يحوالو مافهمتش واش يقصد قلت بصوت يرجف و عقلي راح لبلاصة أخرى _ واش معنتها هاذي كي ما تحبش تقرب من نسا واش تحب رجال

ضرب بيدو زجاج تع طابلة تفتفت و تجرح يدو جيت نايضة نشدو لقيتو دزني رجعت لور و قالي بصوت فيه بزاف من الكره و الإشمئواز _ فوق ما خسرتيلي حياتي رديتيني نق.. (مخنث) اوكي راح نحكيلك واش صرالي

زير على يدو و قال بصوت يرجف و عينيه تظلام ملامحو تقساح _تشفاي نهار قلتيلي هداك الكلام و روحت عند بابا و ضاربت معاه بعدها روحت عند صاحبي و بقيت معاه و كي سمعت خبر موتو و لي كنت سبة فيه إنهرت كليا وليت نهار كامل راقد و نبكي

رجف قلبي في صدري و نا نشوف فيه كيفاش صفار و تخطف لونو حسيت قلبي دار عليا و خايفة نسمع واش صرا مبعد و هو كمل بنفس الصوت البعيد

_هذاك النهار بقيت وحدي في الدار و كنت فشلان مانقدرش نرفد يدي حتى صاحبي راح يقرا و باباه كان خدام و نا بقيت في بيتو مبعد دخلت عندي يماه

شفتو كيفاش بلع ريقو و عينيه حمارو كان يشد في الدمعة نحل قلبي في بلاصتو حبيت نحبسو خفت أنو يأذي نفسو بصح حبيت نعرف الحقيقة كمل بصوت فيه شهقة تع بكا _ دخلت يماه و بدات تتقرب مني بطريقة تعيف ما كنتش مومبا قادر نحرك يدي ما فهمتش واش صرالي مبعد عرفت بلي هيا لي دارتلي مخدر في ماكلتي باه تقدر تدير الخدمة الخانزة تعها و مانقدرش نبعدها عليا هيا دارت معايا علاقة و نا ماقدرتش حتى ندزها بعيد و لا حتى نتحرك ماقدرتش حتى نعيط ولا حسيت روحي شغل مرأة و تغتصب فيا وبعد ما خلصت و جابت شهوتها ضحكت و قاتلي بلي من نهار لي شافتني فيه كانت حاسة بلي عندي رجولة راح تمتعها و صدقت في كلامها بعدها ما قدرتش نتحرك كنت ديما راقد و هيا تخلي وقت تكون الدار فارغة و تجي لعندي و دارت معايا علاقة للمرة الثانية كانت تكثرلي في لادوز تع دوا باه مانفطنش بعدها جا عمي جمال و قدر انو يخرجني من تم بصح كي خرجت انا ما بقيتش نفس الإنسان انا وليت انسان آخر وليت نعاف النسا ونعاف الجنس و نعاف صوالح هاذو منقدرش نمد يدي و نقيسك و لا حتى نقرب منك نحس بقلبي يطلع و روحي تخرج مني يجي في بالي غير تصويرتها و صوتها و ريحتها الخانزة و كلامها مقزز تولي تتجسد غير هيا قدامي و نعاف روحي آآآآآه آآآآآآآه آآآآآه

كان يعيط و هو يخبط و يكسر في دنيا ما كنتش فايقة بروحي بلي كنت نبكي و نعيط الصدمة كانت كبيرة ماقدرتش حتى نوقف و نروح نحبسو جرح يديه و هو يكسر في الدنيا حسيت بالنوبة بدات تجيني وليت نشهق و نا نعيط عليه باه يلحقني بسيف با تولهلي وحبس خبيط و جا يجري عندي جابلي لاباراي تاعي نتنفس بيها بعد مدة بسيف باه قدرت نتمالك روحي لقيتو جبد روحو و جاي نايض شديتو و جبدتو لحضني بقوة و بقيت نبكي و نقولو _سمحلي حوبي سمحلي سمحلي سمحلي لانو كنت انسانة شريرة لأنو كنت سبة في كامل صوالح الخايبين لي صراولك سمحلي سمحلي سمحلي أرسلان حبيبي سمحلي كان منهار جرب يبعدني بقوة بصح شديت فيه و ما طلقتوش بعدها بمدة حسيتو ركح في حضني و حسيت بحاجة سخونة في كتفي كان يبكي كانت دموعو شديتو مليح و بقيت نحرك في يديا على ظهرو نهدي فيه

الحلقة 27:

بعد مدة طاح أرسلان راقد في حضني كي جبدتو نخزر فيه كانت دمعة لاصقة في شافرو مسحتها بقلب يحرق قلبي كان يحرق هذا وين فهمت السبة لي تخليه كي يقرب مني يشمئز هو صراتلو صدمة خلاتو ينهار بهاذي الطريقة صدمة خلاتو يكره انو يقرب مني و يعاف لانو ديما راح تجيه صورة هاذيك المرأة العاهرة في راسو كيما يتعلق الامر في الجنس الصدمة النفسية و خبر موت باباه و تحرش هاذيك المرة بيه إغتصابها ليه لأنو هو صغير و هيا مرأة هذا إغتصاب جنسي خلاتو يولي هكا بلعت ريقي و نا نعدل في رقدتو في لرض ما قدرتش نهزو جبت غطا و مخدة و غطيتو كان راقد كيما ملايكة بقيت نخزر فيه ما فقتش بروحي كيفاش قربت و بستو من وجهو بقيت نبوس فيه في كل بلاصة من وجهو حتى حسيتو تحرك جبدت روحي و نوضت و في عقلي حاجة وحدة و كان لازم نديرها لبست حجابي و روحت عند بابا سقسيتو على أمر مهم

بعد بحث طويل لقيت الدار تع هذا صاحبو جيت راح نطبطب على باب حتى نلقا مرأة تبان تع 60 خارجة ملامحها مقززة كانت سمينة و فيها ريحة باشعة خلاتني نرجع لور و قلبي داير هاذي هيا لي قربت من أرسلان و تحرشت بيه بلعت ريقي و نا نخزر فيها مثل ما وصفهالي مقززة عرفتها بلي هيا

_شكونك نتي يا بنتي جيتي عندنا !!

_منيش بنتك يا عاهرة يا خانزة

خزرت معايا بصدمة و جات راح تتلاح عليا تضربني و نعطيها بكف رجعت على وراها و نشدها من راسها و نضرب فيها شعشعتها نحيتلها خيمار تع الكذب تعها لانو من موحال تكون انسانة هاذي هاذي حيوانة قوا العياط و شفت بلي راجل كبير في عمر جاي يجري عندي و يعيط عليا عرفتو بلي راجلها دزيتها و رجعت لور و قلت بصوت عال ناس تلمت _ علبالك هاذي العاهرة واش دارت هاذي العاهرة خانتك مع رجال شفتها كيفاش دخلتلك راجل للدار

محبيتش نحكي على أرسلان ، راجلها باقي يخزر فيها و يهز يدو و يعطيها بصفعة هبطتها لتحت مبعد خزر فيها خزرة قاسحة و قال بصوت عال _ كنت شاك أنك دخلي في رجال بصح كنت نحوس على دليل و مرا هاذي انا متأكد أنها تهدر في الصح يا عاهرة راكي مطلقة مطلقة مطلقة و دزها برجلو طاحت في لرض تبكي و تزعق و نا بلا تردد عمرت فمي بالبزاق و بزقت عليها و روحت و خليتها هكاك مرمية تخبط على باب بعدما ما غلقو راجلها و ناس تخزر فيها بإشمئزاز و تحكي و تقولي بلي شحال من مرة يشوفو رجال بصح حسابلهم من لافامي تعها مرا ظهرت عاهرة من لكبار

كي رجعت للدار لقيت أرسلان واقف وجهو أصفر و عينيه حومر

_وين كنتي

_كنتي نصفي في حساب و جيت

شدني من كتافي. و بقاا يخض فيا و يقول بصوت قاسح _ واش درتي أحكي ، وليت حكيتلو كلشي خزر فيا بصدمة و قال بصوت يرجف _ علاش درتي هكا

شديتو من كتافو و قلت بصوت فيه حب كبير_ انا غلطت من قبل بصح راني نصحح في أخطائي معاك صح منقدرش أنو نرد باباك للدنيا بصح على الأقل ننتقملك من العاهرة لي أذاتك نفسيا

رجفو شواربو و هو يخزر فيا مصدوم حسيت شغل صورتها تطبعت قدامو و بلا تردد شديتو عندي و بستو من شفافو نحلو عينيه بصدمة و رجفو يديه لي كان شادني منهم من كتافي شفت وجهو كيفاش صفار بعدت عليه و حضنتو قتلو بصوت يرجف من قوة ليسونتيمو لي نحس بيهم _راح نحل هاذي العقدة بصح لازم تسمحلي نقرب هزلي راسو و حضني بقوة

الحلقة 28 :

نهلة عندها يومين ما جاتنيش فريمو تقلقت عليها درت فاصمة نظيفة على يدي و خرجت قلت نروح نشوفها شهقت كي نلقا روحي رجعت لورا و طحت في لرض خزرت لفوق شفت فتحي واقف عند دروج _ديزولي ماشفتكش

هزلي راسو بإيه و جبد على طريق قالي كنت نخمم واش نسيت و رجع للبيت تاعو كان وجهو أصفر و باين عيان شفت معاه و تفكرت نهار شفتو مع واحد طفلة محضنها و كان بلي كاين حاجة بيناتهم نوضت من لرض و حاجة تحرق فيا لداخل حتى انو ما تولهتش لطاطا أمينة و هيا تحكي معايا

_ما سمعتكش طاطا امينة

_جيت راح نمدلك هذا طبسي تع قاطو أديه معاك لعند نهلة بنتيلي رايحا عندها و لا ني غالطة هزيت راسي بإيه و رفدت طبسي كان ثقيل شوية وجعتني يدي و نا هكاك نلقا فتحي رفدو و قالي نا تاني رايح عند أرسلان خلي نهزو عليك شفت معاه و تبسمت و شكرتو و هو هز راسو بلا كلام مشينا مع بعضنا و بلاما نشد لساني قلت _هاذيك لي شفتك محضنها صحبتك

لقيتو جمد في بلاصتو و خزر فيا خزرة تع دهشة مبعد قالي بصوت بارد_ لا

هزيت راسي و نا علبالي بلي كاينة حاجة و ملامحو تعكس هذا الشئ مبعد لقيتو قالي بصوت جاد_ بصح علاش تسقسي

بلعت ريقي و تنهدت زوج مرات و قلت بصوت عادي بكل صراحة _لأنو غرت كي شفتكم هكاك

_غرتي !!؟ هز حاجبو بحيرة

هزيت راسي بحشمة و قلت بصوت فيه رجفة_ لأنو انا معجبة بيك و كي شفتكم هكاك حسيت بالغيرة

خزرلي مصدوم حواجبو وصلو لجبهتو _ صريحة بطريقة صادمة

ضحكت و قلت و نا نبعثر في شعري لقصير _ علاش نكذب في حاجة نحس فيها انا ديما كنت هكا

خزرلي و دهشة مزالها على ملامحو مبعد حبس كي قربنا نوصلو للدار و قال بجدية _ أنا تاني تعجبيني ڨراف منار و شخصيتك جامي شفت كيفها نحس بلي راني قدام حاجة جامي شفتها سكت شوية و مبعد حك لحيتو و تنهد _لازملي وقت أنو نخرج من حالة لي راني فيها اذا حابة تستنايني و

_نستناك قاطعتو بصوت متحمس خلاه يضحك و مبعد طبطب على باب كان يحك في لحيتو حشمان صفة هاذي ڨراف تعجبني فيه خرجت نهلة و وجها مصفر و ضحكة بسيف ما تضحك فيها حسيت بلي كاينة حاجة ماهيش نورمال سيرتو كي زاد خرج وراها أرسلان و كان.وجهو أصفر على حبة تع القارص حسيت بعدم الراحة

الحلقة 29 :

_أدخلو علاش واقفين

خزرت مع فتحي لي كان وجهو جامد و عينيه على أرسلان مبعد جبد أرسلان معاه و قال بضحكة صفرا راني مديه معايا باه تريحو وحدكم ألاز و راحو كي دخلت كانت نهلة ساكتة بطريقة غير طبيعية _ نهلة واش بيكي ساكتة

فتحت عينيا كي لقيتها جات حضنتني تبكي و تشهق حاولت نفهم السبب بصح ما حبتش تقول كانت تبكي برك بلعت ريقي بصعوبة و نا نخزر فيها مبعد قعدتها و بقيت نمسد في كتافها حتى ركحت ولات قاتلي انو تقابضت مع أرسلان و ما حبتش تقولي كثرمن هك وليت سكت

_فتحي تحبيه !!!!!!!! خزرت مع نهلة لي حلت فمها مصدومة و مبعد ولات تضحك

_حسابلي مكومش متفاهمين

_لا تبدلت هاذي نظرة من نهار عرفت بلي أنا وياه نشبهو لبعضنا بززاف في صوالح بززاف

_حتى انا و أرسلان نشبهو لبعضنا في زوج مرضى نفسيين

قالتها بضحكة متقطعة مبعد حطت يدها على يدي و قالت بتبسيمة مشجعة _ راح نساند مدامك تحبي فتحي نتمنا أنك تتهلاي فيه منار

هزيت راسي بإيه حشمانة و سكت

........

_ديزولي أرسلان مكانش قصدي نقيسك بكلامي هكاك مرة لي فاتت

_عادي فتحي عندك حق في واش قلت رغم أنك كنت قاسي بزااف خزرت مع أرسلان لي كانت خزرتلو بعيدة و مبعد خزرت معاه حاير كي قالي _ قلت لنهلة و راحت تضاربت معاها و بهدلتها

_ما فهمتش!! خزرت مع أرسلان لي خزرلي بنظرة خلاتني نحل عينيا مصدوم و قلت بصوت عال _ قلتلها واش كانت رد فعلها!؟

_راحت ليها و بهدلتها و طلقها راجل و فضحتها قدام كامل جيران

_ولله نستعرف بيها نهلة تع الصح تحبك ردتلك ثأرك منها لي مكونتش حاب تديه و مام انا مبغيتش تخليني ندير والو و لدرك منيش فاهم علاش

مسح أرسلان على وجهو و قال بصوت بارد و مغموم _ كنت خايف... كنت حاب أنو نفاصي هاذيك الذكرى من حياتي كلي جامي صرات بصح ما قدرتش و دركا و لأول مرة نحس بلي ريحت شوية بعد واش دارتو نهلة

_سامحت نهلة دركا و لا مزالك كارهها قلت بصوت جاد

خزر معايا أرسلان و تنهد تنهيدة طويلة و قال _ سامحتها من نهار لول لي جات عندي فيه و طلبت سماح مني حسيت أنو كل كرهي و غلي ليها راح و تفاصى في دقيقة هاذيك

شفت معاه حاير و قلت بجدية _ علاش مالا راك تتعامل معاها هكا و تبينلها بلي ما تحبهاش

خزرلي ببرود و قالي بجمود _ أنا ما نحبهاش جيست أنا ممتن ليها بعد واش دارتو

تأففت و قلت بصوت بارد و مغتاض _ و مدامك ما تحبهاش علاش مخليها معاك !!!؟ سكت شوية و مبعد قال بصوت حاسم _ راح نخليها تروح لانو انسان معقد و مشوه كيفي مش راح يقدر يمدلها والو أبار الوجع و الألم

بلعت كلامي لي جيت راح نقولو و نوضت مسحت قشي من تراب و قلت قبل ما نروح _ تأكد من أنك ما تأذيهاش أرسلان نهلة تبدلت ماشي هيا نهلة لي كانت صغيرة

خزر معايا بنظرة عميقة و ما جاوبنيش

الحلقة 30 :

فات شهر بعدها على الحادثة لي صرات و على واش صرا بيناتنا أرسلان تحسن شوية و حسيت أنو ولا أحسن حسيتو رتاح بعدما خبرني واش صرا معاه و كلشي حتى انو تقربنا شوية بطريقة غير مفهومة و الصراحة كانت مبادرات كامل مني انا لي نجرب نقرب منو و نشدلو يدو و لا نبوسو بلاما يفيق كان مع لول يجمد و يصفار وجهو و نحسو يشمئز بصح بعدها ولا والف هداتي و ولات ملامحو ما تتقلصش بإشمئزاز كان يخزرلي خزرة قاسحة بصح من نوع آخر تخلي فرشات يلعبو داخل كرشي و نحس بنفس يتقطع من صدري كنت نحاول انو نتقرب منو جسديا بكل طرق ملغري انو لقيت صادات بززاف منو و توجعني كرامتي بزااف بصح ملامحو المرتاحة كانت تخلي عند أمل انو تصرا معجزة و نتقاربو كأي زوج و زوجتو

تنهدت بقوة و نا نخزر لبرا من طاقة كانت مطر تصب و أرسلان مزالو ما دخلش تقلقت عليه ڨراف هكا شوية نلقا صوت مفتاح دار و دخل أرسلان مبلول من ساسو لراسو روحت نجري جبتلو منشفة و شديتو من يدو و دخلتو و بقيت نشف فيه في شعرو و وجهو كان يخزر فيا بعينيه برك بلاما يقول كلمة و لا حرف حسيتو مستكين بين يديا تجرأت و مديت يدي و قستلو خذوذو كانو باردين و هبطت يدي نحيتلو فيستا كانت سردانة حطيتها بعيد خزرت مع عينيه لي كانت تبع في تحركات يديا توترت و حمرت و حسيت بقلبي يخبط بين ضلوعي قريب يخرج قربت و بوستو من جبهتو ما بعدنيش بقيت نتجرأ أكثر و أكثر و هو هكاك راكح بين يديا مبعدنيش و لا جمد و لا تصلب كور تاعو كيما مالف على عكس كان مرتاح و كي حطيت يدي صدفة على صدرو باه نبوسو من شفافو حسيت بقلبو يخبط كيما قلبي خزرت فيه داهشة مبعد شتتني كي بادر و باسني هو هاذي المرة نحلو عينيا و شديتو من خدودو نبادلو البوسة بعد مدة جبدني يلهث مبعد ناض يضحك قالي بلهاث يضحك خلا قلبي يرفرف و فراشات ترفرف داخل كور تاعي_ متعرفيش مومبا تبوسي

خزرت فيه مصدومة و دزيتو بعيد من صدرو زعفانة قلت ببرود _ على أساس نتا تعرف و اونبليس كيفاش حابني نعرف و نا جامي بست في حياتي آي

تأوهت من وجع كي لقيتو زيرلي يدي و قالي بصوت قاسح و جامد _ تزيدي تقولي كلمة كيما هكا لسانك نطيرو مرة جاية

هزيت راسي بإيه قريب نبكي كان يزير على يدي بقوة تم طلقني زفرت بقهر و مبعد جيت نايضة رايحا لقيتو جبدني عندو و رفدني بين يديه خزرت فيه و هو رايح للبيت تاعي _ علاش دايني للبيت نقدر نمشي وحدي أصلا مجاينيش رقاد

_نظن البيوت ماشي غير للرقاد و اونبليس عندك سرير كبير على تاعي

شفت معاه مانيش فاهمة واش يقول مبعد شهقت. كي فهمت المعنى بلعت ريقي بصعوبة و حسيت بكور تاعي ثقال و حرارة تخرج مني شاف مع عينيا. و ضحك خلاني نذوب

الحلقة 31:

بعدها كلشي جا بزربة لدرجة أنو ما عرفتش واش ندير كانت اول علاقة نديرها و مانيش عارفة واش ندير تحديدا فيها كنت نتحرك بناءا على اوامر تاعو ليا و لقيت روحي منيش عارفة واش ندير سيرتو وقت حسيتو جمد و هو يتنفس بقوة كان غير طبيعي تصلب وجهو و صفار وجهو مديت يديا و حكمتلو وجهو كان عرقان عرق بارد فهمت بلي راهو يجاهد و راهو يتعارك مع الافكار و مع تصورات و معاها هيا تفكرت كي قالي تجي صورتها بين عينيا شديت وجهو و خليتو يخزر معايا بسيف باه خزر فيا كان يشوف معايا و ماهوش يشوف فيا _ أرسلان حبيبي هاذي انا نهلة مرتك حبيبتك لي تحبك و تعشق فيها ماتخليهاش تربحك ما تخليش وساوس تبعدك عليا قربت منو و حضنتو باه يقدر يشم ريحتي و باه يعرف بلي ماهيش هيا و بلي أنا تم حسيت فطن و قالي بصوت ثقيل _ نهلة

هزيت راسي بدموع و حضنتو بقوة بقوة حبيت نزرعو بين ضلوعي تم حسيتو فطن و رجع لأرسلان لي نعرفو رجع يشوفني أنا نهلة لي نحبو ماشي هيا

فتحت عينيا بعدما غفيت لفترة من تعب النفسي و الجسدي ليلة كانت بززاف متعبة و طويلة كنت حمرة من الحشمة و قلبي يخبط بقوة درت لقيت أرسلان لاصق فيا و حاط راسو في رقبتي رجفت و تفكرت واش صرا بعدها و كيفاش تقلبت الدنيا شغل عاصفة هوجاء بيننا غمضت عينيا نشد ضحكة الفرحة حسيت بلي كسبتو و أخيرا رجعلي أرسلان ما نضنش أنو رجل ما يحبش وحدة انو يكون معاها بالطريقة هاذيك لي كان أرسلان يعاملني فيها كجوهرة يخاف أنها تتكسر نحيتلو يدو لقيتو تقلب من جيهة لمنهيه تم قدرت نتحرك روحت درت دوش و رجعت لقيتو مزالو راقد في سابع نومة هزيت راسي الساعة كانت الثمنية تع صباح ما قدرتش نرقد شي من الفرحة و شي من الصدمة و شي من الحب و كلشي كنت نستنا فيه ينوض باه نحكي معاه و نفهم منو علاش دار هكا و ما معنى هذا الشئ أسك سامحنى اسك ولا يحبني و انا هكاك نضرب أخماس في أسداس لقيتو تحرك حسبتو فاطن حتى. نسمع فيه يتمتم بين شواربو حرت انو فيه طبيعة يحكي في رقادو مبعد تفكرت بلي مالفة كي نروح لبيت تاعو فليل باه نطل عليه نلقاه يحكي في رقادو

_ أنا موحال نحبك ،.. انا منحبكش نهلة انا منحب منحبكش

حسيت بقلبي طاح و تكسر حتى أني سمعت صوت تكسارو بلعت ريقي شغل حجرة جرحت حلقي كان يحلم واقيلا و قالي بلي ما يحبنيش ما فهمتش علاش علاش مالا قرب مني و خلاني نحس بكل هاذوك الأحاسيس و درك كي رفعني لسابع سما رماني لسابع أرض و كسرني كلامو كان واضح كان راقد و كان باين بلي يحكي واش يحس فيه لانو راقد حطيت يدي على فمي نشد بكيتي كي كان يقولي نكرهك من قبل كانت توجعني بصح هاذي مرة قتلني قتلني فعليا شفت معاه كيفاش راقد بكل أرياحية شغل ما قال والو و ديسيديت بلي سيبون هنا لازم يكون عندي هاذيك الكرامة لي خليتها لمدة تتعفص بين رجليه حسيتها توجعت صح منيش قادرة نزيد كثر من هكا في ذل هذا و ديسيديت واش راح ندير هاذي مرة

الحلقة 32 :

رفرفت بشفاري نبلع في ريقي و ريحة انثوية نعرفها تضرب في نيفي مديت يدي نتكسل و فتحت عينيا نخزر وين راني و بعد مدة فطنت و تفكرت واش صرا بارح منيش مصدق واش صرا بارح خبط قلبي خبطة خلاني نتقعد من بلاصتي شفت روحي عريان لبست سروال سيرفات تاعي و جيت خارج نحوس على نهلة مالقيتهاش راقدة بجنبي بلاك تكون دير في فطور كنت حاب نقولها نقولها بلي بلي سيبون تحررت من واش كنت فيه و بلي صورة المرأة هاذيك مبقاتش تجي على بالي و تأثر فيا ما بقيتش نعاف انو نقرب منها و انو انا حسيت روحي بريت بعد واش صرا بارح انا بريت مئة بالمئة انا وليت إنسان عادي نقدر نعيش عادي و نكون عادي مع مرتي كنت خايف أنو منقدرش نكمل بصح بارح نهلة قدرت انو تشد يدي و تجبدني بعيد هيا منعتني

_نهلة وين راكي بقيت ندور من بلاصة لبلاصة نسوطي من فرحة بصح مالقيتهاش بلعت ريقي و ريحة تاعها لي نعشقها و لي خلاتني نفرقها بارح و فطنتني ولات خفيفة ماشي كيما مالفة قاوية _نهلة زعقت على طول راسي و روحت نجري للبيت فتحت خزاين لقيتها فارغة من قشها _ نهلة رجفو شواربي بصدمة وين راحت خرجت نجري قلت بلاك راحت عند دار باباها بصح كي دخلت و سقسيت قالولي بلي مجاتش حسيت بصدمة ضربتني _وين راحت

_قاتلك نهلة ما تزيدش تحوسش عليا و طلبت منك أنك تطلقها

دورت عند عمي جمال نخزر فيه بدهشة _ كيفاش هاذي ماتزيدش تحوس عليا و طلقني هبلت هاذي منيتها

قلتها و نا شاد روحي على شعرة باه ما نربيش الدار

_هذا هو ميساج لي قاتلي وصلهولو و قاتلك بلي هيا مقدرتش تتحصل على حبك و بقاء تعها معاك مبقاش يصلح

شفت مع عمي جمال مصدوم واش قاعدة تخربط شكون لي قال بلي منحبهاش مشكلة انو كنت نحبها ديما من نهار شفتها فيه صغيرة و بريئة و خايفة تخزر فيا بعينيها كبار شابين بصح كانت خزرة تع كره صح انو كانت تكرهي بصح جامي كرهتها صح انو كرهتها بعدما واش صرا و عذبتها بزااف بصح هذا كامل لأنو حبيتها و لأنو تبعت من حبها حبيت نردلها واش دارت فيا من قبل و في كرامتي و خطبت روان زكارة فيها و ما كنتش راح نتزوج بيها أصلا كنت حاب نجرحها كنت علبالي من أول بلي تحبني لاحظتها و هيا تتخبا ورا طاقة و تراقبني كل يوم علبالي بلي أذيتها بصح كنت ديما نحبها ديما

الحلقة 33:

_ويني نهلة عمي جمال

_منقدرش نقولك أرسلان ديزولي انا وافقت أنو تتزوج نهلة لأني كنت علبالي بلي تحبها من أول بصح أنك وصلتها تنهار و تبكي على كتفي و تقولي بلي ماهيش قادرة تزيد معاك انا متأكد بلي قستها بززاف أرسلان

بلعت ريقي بصعوبة و نا نخزر في عمي جمال و ماما و منار و حتى فتحي لكانو يخزرولي بتأنيب ماقدرتش نقعد خرجت نجري و نجري و نجري نهلة علاش راحتي واش درتلك حتى خليتكي تروحي دارت كلشي من قبل و ما روحتيش و خليتيني علاش درك روحتي بعدما وصلنا هنا بعد ليلة تع البارح بعد ما مديتلك قلبي من جديد و أمنتك عليه مرة أخرى روحتي و خليتيني

_نهللللللللللللللللللللللة مسحت دمعة هبطت من عينيا ماقدرتش نشد روحي و بكيت بعدها بكيت بززاف

......

بعد خمس شهور .....

_منيش مصدقة بلي نهلة راجعة ليوم عمي جمال قلتها بفرحة و نا نحضن في عمي جمال بفرحة

_وي هيا راجعة بصح لسبب انو نتي و فتحي راح تخطبو قاتلي موحال نراطي خطوبتكم حتى و لو شفت أرسلان من جديد لأنو هو ولا صفحة و طواتها

تنهدت بقوة و تفكرت حالة أرسلان لي كانت حالتو كارثية لدرجة أنو مكانش يقعد في الدار ديما يجي هنا سيرتو بعدما روحت انا لدارنا رجع يعيش هنا مع فتحي و تيمور لي كان يروح و يجي للإقامة

_ انشاء لله يكون كلامها صحيح

شاف معايا عمي جمال شوفة تع معنى خلاني نضحك و نهز راسي فاهمة

بعدها شوية شهقت كي شفت نهلة دخلت مع عمي جمال نضت نجري و حضنتها بقوة نبكي توحشتها صح انو كونا نحكيو بزااف بصح عندي بززاف ما شفتهاش _نهلة توحشتك

_ حتى نا توحشتك منار احم منار لي راح تولي مرت سي فتحي ، حمرت من حشمة و دزيتها من كتفها بعدها قعدنا نحكيو و نضحكو و جا فتحي تاني قعدنا نحكيو كانت نهلة بطريقة غربية مبدلة نظرتها و ضحكتها قعدتها كانت كلها على بعضها مرتاحة و قوية و شخصيتها ثابتة نهلة تغيرت و تغير تاعها كان واضح في ملامحها إزدادت حتى أنها ما جبدتش على أرسلان و لا مرة

الحلقة 34 :

في ليلة لي بتنا فيها مع بعض جربت انو نحكي معاها على أرسلان لي مجاش خلاص و كان هذا طلب من عمي جمال أنو يخلي نهلة براحتها و للصدمة أنها مقالت والو و قاتلي بلي جات المرة هاذي و راح تطلب الطلاق رسميا و رقدنا بكري لانو كانت الخطوبة غدوة و ديسيدينا نديروها في جاردان تع دار عمي جمال بسيف باه جاني رقاد بينما نهلة رقدت طول و هذا الشئ حيرني اسك صح نسات أرسلان و طوات صفحتو

لغدوة لهينا مع تحضيرات و لهيت مع قشي و شعري و تلفتلي واش نلبس نسيت خلاص على نهلة كنت نشوفها هيا تاني لاهية مع حفلة تع خطبة تاعي و تع فتحي و ما رفدتش راسها كي تلقاو عينيا بعدها غمزتلي و دارتلي بصباعها تبسمي تبسمت و قلبي مش مهني من جيهتها

...........

كنت شاد روحي على شعرة باه ما ندخلش للدار و نجبدها من شعرها و نشنشفها نخليها تنذم على واش دارت و على كي راحت عليا بصح كلمة عمي جمال ما قدرتش انو نتجاوزها و درك راني كي الجايح قاعد متخبي و نراقب فيها و هيا لابسة غوب طويلة حمرة و دايرة خيمارها و مكياج شحال جات شابة خلات قلبي يخبط بقوة توحشتها يا زح خمس شهور ما شفتهاش و ما لمحتهاش فيهم كي راحت عرفت بلي ماش كنت نحبها برك كنت نعشق فيها و غيابها غبني تع الصح و عياني كنت نظل نحلم في ليلة الوحيدة تعنا كل يوم و قلبي يتحرق انو كي وصلنا لبر الأمان هيا خلاتني و راحت ماقدرتش نتحمل كثر شفتها راحت ورا دار وحدها تبعتها و جبدتها معايا كي شافتني شهقت مفجوعة مبعد دزتلي يدي بصح موحال كانت راح تبعدني عليها

_أطلقني وين دايني أطلقني أرسلان أطلقني

خزر معاها يا رب شحال توحشت صوتها و هيا تعيط بأسمي قلت بخشونى _ أنساي نطلقك اليوم راح نحكيو سع دزيتها من وحد الشجرة و حشرتها تم _ علاش روحتي و خليتيني بعدما عڨبنا هاذيك الليلة كامل بعد ما صرا واش كنتي تقصدي بيها

شفت مع وجها زيانت أكثر يا ربي راح نتفلق حاب نخنقها ببوسة_ منيتك راك تقول هكا مزالك ترمي على الغاشي أفعالك سيبون نا مليت و كرهت

شفتها رايحا تروح زيرتها في بلاصتها و قلت بصوت يرجف من ليسونتيمو لي نحس بيهم _ توحشتك خمس شهور بززاف اذا كنتي تعاقبي فيا راكي نجحت صدقيني

خزرت معايا ببرودة صدمتني و قربت من وذني و قالت بسخرية_ شحال مقودة ترجف قدام مرا ما تحبهاش

شفت معاها حاير و تفكرت كلامي راهي تردلي في واش درت فيها دزتني بعيد و جاية رايحا شديتها مرة هاذي و قربت لدرجة أنو حسيت راح ندخل فيها كانت ثابتة انا لي كنت راح نموت و نرجف من قربها كانت تتبسم بشر فكرتني في نهلة لقديمة

_اذا ديري فيها زكارة نهلة راكي ربحتي و واش تقصدي بمنحبكش شكون لي قال هكا

الحلقة 35:

تغيرت ملامحها في دقيقة و زعقت فيا _ متجيش تلعبها تحبني كلامك في صبحة هاذيك ونتا راقد و تقول بلي موحال تحبني خلاني نعرف الحقيقة كاملة

_واش من حقيقية واش راكي تقولي كتاش قلت بلي ما نحبكش و نا راقد و مبعد سكت و تفكرت هذاك المنام لي نمتو نمت شغل نهلة عايرتني و قاتلي كلام يجرح بعدها قلتلها بلي نكرها نكره نهلة لي كانت تتعامل معايا كحشرة

_أصبري نفهمك نهلة ، انا أنا مكونتش نقصد انا نمت منام و كنت نقصد على نهلة تع بكري نكرها بصح انا جامي كرهتك طول حياتي كنت نكرهك

_بركا بلا كذب قالتها بعيون باردة

_منيش نكذب أقسم بالله العظيم غير كنت نحبك ديما كل هاذيك الأحداث و كل واش صرا خلاني نحقد عليك بصح ديما كنت نحبك نهلة ولله

_طفرت دركا أرسلان أنا سيبون فت عليك و نسيتك و ماوليتش تأثر فيا

شفت معاها مصدوم كيفاش تهدر بهذا البرودة حتى جسم تاعها كان جامد ماشي كيما كانت ترجف بين يديا اسك صح نساتني و بلا نتحكم في روحي قدمت و بستها كانت مشوكيا و حاولت بكل الطرق تدزني بعيد بصح ثبتها و بستها بسيف عليها كي طلقتها تلهث كانت ترجف كيما كانت بين يديا ضحكت بشر و قلت قريب من وذنها بنفس ثقيل _وجدي روحك ترجعي لدارك ممممم، بصح علبالك شحال مقودة ترجفي هكا قدام واحد تكرهيه

و طلقتها تخزر و تعيط بلي كون تقوم قيامة مش راح ترجعلي ضحكت و خليتها تعيط و نا علبالي بلي حبي ليها و لا حبها ليا مش راح يروح لمجرد ظروف هاذي حاجة لداخل متقدرش تروح بالساهل و لا تختفي فجأة

فات بعدها خطبت فتحي و منار و جازت هايلة كان فتحي طايح في منار و عينيه ما تنحاوش من عليها أما نهلة كانت تخزرلي خزرة تع كره و إشمئزاز و غضب تخليني نحركلها حواجبي زكارة فيها تولي تزيد تشعل من غيض نولي انا نضحك عليها في هاذيك الليلة حكيت مع عمي جمال لي قالي أنو اذا حبت نهلة ترجعلو هو ما عندو حتى دخل فينا و مدابيه انو منزيدوش نكسرولو راسو اما نهلة مزالها مخشنة راسها بصح كنت واعد نفسي انو راح نرجعها لدارها حيث تنتمي لداخل قلبي

و ملغري فاتو سمانتين الا انو ما ستسلمتش و حسيت بأنو هيا بدات تلين كي روحت نشوفها ليوم باه نقلقها و نرفزها لقيتها تبكي روحت نجري عندها مفجوعة حتى نلقاها حضنتني و قاتلي بصوت يرجف و فرحان _ أرسلان أنا حامل انا اونسانت أرسلان أنا حامل بولدنا

خزرت فيها بفرحة مصدوم و حضنتها بقوة كانت تبكي من فرحة و لأول مرة بعد مرور خمس شهور و سمانتين شفت نظرة الحب تع حبيبتي نهلة لي نعرفها شديتها من يدها وقفتها و قتلها و قلبي يخبط بقوة في صدري و عينيا يدمعو من فرحة _ خلينا نرجعو لدارنا نهلة طال غيابك بززاف عليها سكت شوية حسبتها راح ترفض كيما العادة بصح فاجأتني كي هزت راسها و قاتلي اوكي و مشينا يد بيد لدارنا و هاذي مرة مكوناش زوج كونا ثلاث انا و نهلة و ولدنا ❤️

إنتهى....

نشاء لله تكون كورنيك عجبتكم المهم تفاعلوا بزااف و بينو رواحكم و جادوغيو باه نعرف بلي عجبتكم و و أستنوني في كورنيك آخر و حكاية اخرى و مدولي رايكم في حكاية اليوم و شخصيات تعها ....

مدونة الأرباح

اخي الغير شقيق معذبي

اخي الغير شقيق معذبي

فتح حساب CCP بريد الجزائر عبر الإنترنت 2025 – خطوات مفصلة + رابط مباشر